Paul Mason, við­skipta­rit­stjóri Channel 4 News, hefur verið áber­andi í umfjöllun sinni um þá sögu­legu atburða­rás sem hófst með efna­hag­skrepp­unni árið 2008.  Áður en hann hóf störf á Channel 4 News var hann við­skipta­rit­stjóri frétta­skýr­inga þátt­ar­ins New­snight á BBC. Í miðju Arab­íska vor­inu, skrif­aði hann frægan pistil sem bar nafnið “Twenty rea­sons why it’s kick­ing off everywhere”.

Þar setti hann í sam­hengi þau fjöl­mörgu upp­þot og mót­mæla­hreyf­ingar sem spruttu upp um allan heim á þessum árum. Þessi pist­ill varð síðar að bók­inni, “Why it’s kick­ing off everywhere” þar sem hann færði rök fyrir því að þessi atburða­rás mark­aði byrj­un­ina á falli hug­mynda­fræði nýfrjáls­hyggj­unn­ar.

Í við­tali við Kjarn­ann, sem Sig­ríður Tul­inius tók, talar hann um að hug­mynda­fræði nýfrjáls­hyggj­unnar hafi verið ein­stök í sögu kap­ít­al­ism­ans því að ólíkt fyrri efna­hags­mód­elum hafi hún ekki aukið lífs­gæði heldur lækkað lífs­gæði meiri­hluta fólks. Aftur á móti, segir hann að nýfrjáls­hyggjan hafi skapað stór­kost­legar tækninýj­ungar sem hafi mikla mögu­leika sem verið er að halda niðri með núver­andi efna­hags­stjórn­un. Í vænt­an­legri bók hans, “Postcapital­ism – A Guide To Our Fut­ure”, færir hann rök fyrir því hvernig hægt sé að losa um þessar hömlur og nýta tækninýj­ung­arnar til þess að skapa sam­fé­lag þar sem fólk þarf að vinna minna, þar sem ríkir meiri sátt í þjóð­fé­lag­inu, þar sem hús­næði og matur er ódýr og þar sem nýsköpun er verð­launuð en ekki ein­okun líkt og undir núgild­andi efna­hag­stjórn­un.

https://vi­meo.com/120955219