Blaða­mann­inum Jóhanni Hauks­syni var sagt upp störf­um hjá DV í gær. Þetta stað­festir Egg­ert Skúla­son, rit­stjóri blaðs­ins, í sam­tali við Kjarn­ann.

„Það eru bara áfram­hald­andi hag­ræð­ing­ar­að­gerðir í gangi á DV, og það er svo sem eina skýr­ing­in,“ segir Egg­ert aðspurður um ástæður upp­sagn­ar­inn­ar. Hann vill ekki upp­lýsa um hvernig að starfs­lokum Jóhanns verði stað­ið, en stað­festir að blaða­mað­ur­inn muni ekki mæta aftur til starfa á rit­stjórn­ina. „Hvernig starfs­lok­unum er háttað er trún­að­ar­mál milli okkar og hans.“

Aðspurður um hvort von sá á fleiri hag­ræð­ing­ar­að­gerðum hjá DV, segir rit­stjór­inn svo ekki vera. „Nei, ég á ekki von á því. En eins og þið þekkið vænt­an­lega á Kjarn­anum þá eru menn stöðugt að horfa í krónur og aura og þessir fjöl­miðlar þurfa allir að reyna í það minnsta að reka sig, út á það gengur þetta.“

Rekstur DV gengur betur

Egg­ert segir blaðið nú á réttri leið, en eins og kunn­ugt er sögðu margir áskrif­endur DV ­upp áskrift sinni að blað­inu eftir að nýir eig­endur og ný rit­stjórn tók við útgáf­unni og upp­sagnir blaða­manna sem fylgdu í kjöl­far­ið. „Rekst­ur­inn gengur orðið miklu bet­ur. Við höfum náð að stór­auka aug­lýs­inga­söl­una eins og sést á síðum blaðs­ins, og sama skapi aug­lýs­ingar á vefn­um. Áskrift­ar­átakið hefur lukk­ast vel, en það er svo sem skulda­hali sem menn eru að vinna með og það er verk­efn­ið. En það gengur vel.“

Sam­kvæmt síð­asta árs­reikn­ingi DV ehf. fyrir árið 2013 nam skulda­staða félags­ins rúmum 116 millj­ónum króna í árs­lok þess árs. Þá nam rekstr­ar­tap félags­ins árið 2013 sam­tals 37,1 milljón króna.

Ekki náð­ist í Jóhann Hauks­son við vinnslu þess­arar frétt­ar. Hann hlaut blaða­manna­verð­laun árs­ins 2009 fyrir „leið­andi umfjöllun um fall og myndun rík­is­stjórna og frétta­skýr­ingar um mik­il­væg þjóð­fé­lags­mál,“ eins og segir í rök­stuðn­ingi dóm­nefnd­ar.