Atvinnu­vega­nefnd hefur boðað full­trúa und­ir­skrifta­söfn­un­ar­innar Þjóð­ar­eign.is á fund sinn á morg­un­,­föstu­dag, klukkan 8:30. Þetta kemur fram í til­kynn­ingu frá aðstand­endum söfn­un­ar­inn­ar. Umdeilt mak­ríl­frum­varp Sig­urðar Inga Jóhanns­son­ar, sjáv­ar­út­vegs- og land­bún­að­ar­ráð­herra, er nú til með­ferðar hjá nefnd­inni.

Alls hafa  rúm­lega 31 þús­und manns skrifað undir áskorun til for­seta Íslands á síð­unni Þjóð­ar­eign.is frá því að henni var hrint úr vör 1. maí síð­ast­lið­inn.  Það er vel yfir tíu pró­sent kosn­inga­bærra manna á Íslandi. Þar er skorað er á Ólaf Ragnar Gríms­son, for­seta Íslands, að vísa í þjóð­ar­at­kvæða­greiðslu vænt­an­legum lögum um úthlutun mak­ríl­kvóta og öðrum þeim lögum sem Alþingi sam­þykkir þar sem fisk­veiði­auð­lindum er ráð­stafað til lengri tíma en eins árs á meðan ekk­ert ákvæði um þjóð­ar­eign á auð­lindum hefur verið sett í stjórn­ar­skrá og þjóð­inni ekki verið tryggt fullt gjald fyrir afnot þeirra.

Í til­kynn­ingu frá aðstand­endum und­ir­skrift­ar­söfn­un­ar­innar segir að hún hafi gengið vonum fram­ar. „Að und­ir­skrifta­söfn­un­inni standa ein­stak­lingar sem hvorki hafa fjöl­menn sam­tök né ríkt bak­land sem getur látið mikla fjár­muni af hendi rakna til aug­lýs­inga. Hvatn­ing til þátt­töku hefur ein­göngu farið fram í fjöl­miðlum og á sam­fé­lags­miðl­unum og það hefur skilað okkur hinni glæsi­legu útkomu und­ir­skrifta sem söfn­unin stendur núna í.“

Jón Steins­son hag­fræð­ing­ur, Jón Sig­urðs­son, fyrrum for­maður Fram­sókn­ar­flokks­ins, Guð­rún Pét­urs­dótt­ir, fyrrum for­seta­fram­bjóð­andi, Þor­kell Helga­son, fyrr­ver­andi pró­fess­or, Elín Björg Ragn­ars­dótt­ir, fyrr­ver­andi fram­kvæmda­stjóri Sam­taka fisk­fram­leið­enda og útflytj­enda, hag­fræð­ing­arnir Henný Hinz og Bolli Héð­ins­son og Agnar K. Þor­steins­son, sér­fræð­ingur í upp­lýs­inga­tækni standa að und­ir­skrifta­söfn­un­inni.