Rík­is­skatt­stjóri hefur birt nýtt álit sitt um skatta­lega með­ferð krafna sem ekki fást greiddar við gjald­þrota­skipti fall­inna fjár­mála­fyr­ir­tækja. Þar segir að skuldir umfram eignir sem ekki fást greiddar við upp­gjör á þrota­búi við gjald­þrota­skipti "telj­ist ekki til skatt­skyldra tekna sem eft­ir­gjöf skulda."

Þessi nið­ur­staða er þvert á nið­ur­stöðu bind­andi álits sem emb­ættið gaf út 22. apríl síð­ast­lið­inn þar sem sagði að skuldir sem ekk­ert fæst upp í í þrota­búum eigi að vera skatt­lagðar eins og tekj­ur. Ljóst er að slík túlkun hefði tæmt mörg þrotabú og lítið eða ekk­ert hefði orðið eftir til skipt­anna fyrir kröfu­hafa þeirra eftir að skatt­ur­inn hefði verið greidd­ur. Við­skipta­blaðið reikn­aði til dæmis út að þrotabú föllnu bank­anna hefðu þurft að greiða íslenska rík­inu sam­tals allt að 1.868 millj­arða króna í tekju­skatt sam­kvæmt túlk­un­inni.

Skúli Egg­ert Þórð­ar­son rík­is­skatt­stjóri er spurður út í þessi sinna­skipti í Morg­un­blað­inu í dag. Þar segir hann að nauð­syn­legt hafi verið að draga fyrra álit til baka og gaum­gæfa túlkun máls­ins frek­ar. "Þegar búið var að gefa álitið út var það nið­ur­staða Rík­is­skatt­stjóra að það væri ekki nægj­an­lega yfir­far­ið. Það var farið yfir það og nið­ur­staðan er þessi. Menn geta velt fyrir sér hvort menn hafi haft rangt fyrir sér. Það er algengt í dóma­fram­kvæmd að dómur er kveð­inn upp í hér­aði og svo er Hæsti­réttur ann­arrar skoð­un­ar. Í þessu til­viki koma fleiri aðilar að mál­inu innan emb­ætt­is­ins, utan­að­kom­andi ráð­gjöf er fengin og málið skoðað nán­ar. Þá í kjöl­farið varð nið­ur­staðan sú sem birt er í nýju álit­i."

Skil­uðu bind­andi áliti en drógu það til baka

Emb­ætti Rík­is­skatt­stjóra gaf út fyrra bind­andi álit­ið, að beiðni slita­stjórnar SPB, 22. apríl síð­ast­lið­inn. Þann 13. maí, eftir að fjöl­miðlar höfðu fjallað um víð­tækar afleið­ingar þess, dró emb­ættið álitið skyndi­lega til baka og sagði von á nýju áliti.

Í til­kynn­ingu sem Rík­is­skatt­stjóri sendi frá sér vegna þessa sagði: "Komið hefur í ljós að und­ir­bún­ingi þess var áfátt þar sem í álit­inu er ekki nægj­an­lega glöggur munur gerður á eft­ir­gefnum skuldum rekstr­ar­að­ila og ógreiddum kröfum við lok gjald­þrota­skipta. Verður því nýtt álit gefið út innan fárra daga[...] ­Rík­is­skatt­stjóri biðst vel­virð­ingar á óþæg­indum vegna þessa."