55,4 pró­sent aðild­ar­fyr­ir­tækja Sam­taka atvinnu­lífs­ins myndu annað hvort fækka starfs­fólki eða hækka verð á vörum og þjón­ustu veru­lega ef kröfur Starfs­greina­sam­bands Íslands ná fram að ganga. Þetta segja Sam­tök atvinnu­lífs­ins, en þau hafa látið gera könnun meðal aðild­ar­fyr­ir­tækja sinna.

43,5% stjórn­enda sem voru spurðir gera ráð fyrir að fækkun starfs­fólks verði á bil­inu 5-15%. 31% gera ráð fyrir að fækkun starfs­fólks verði á bil­inu 16-30% og 10% gera ráð fyrir að fækka fólki um 31-50%. Þá sögðu 4,8% stjórn­enda að þeir geri ráð fyrir að hætta starf­semi ef kröfur um 50 til 70 pró­senta launa­hækkun verði að veru­leika.

24 þús­und starfs­menn starfa hjá fyr­ir­tækj­unum sem tóku þátt í könn­un­inni. „Þegar mat stjórn­enda fyr­ir­tækj­anna á þeirri fækkun starfs­manna sem muni hljót­ast af 50-70% launa­hækkun á þremur árum er vegið saman með starfs­manna­fjölda fyr­ir­tækj­anna fæst að starfs­mönnum þess­ara fyr­ir­tækja muni fækka um 14%, eða um 3.400. Sé sú nið­ur­staða yfir­færð á almenna vinnu­mark­að­inn í heild fæst að starfs­mönnum gæti fækkað um 16.000,“ segir í til­kynn­ingu SA.

Þá voru stjórn­endur þess­ara fyr­ir­tækja spurðir um mat sitt á hækkun verð­lags. 86 pró­sent þeirra sögð­ust þurfa að hækka verð­lag. „Flest­ir (39%) gera ráð fyrir því að verð­lag hækki um 5-15%, tæpur þriðj­ungur (31%) telur verð­lag hækka um 16-30%, tæpur fimmt­ungur (18%) gerir ráð fyrir því að verð­lag hækki um 31-50% og 9% gera ráð fyrir að verð­lag hækki um meira en 50%. Aðeins tæp 3% segja að verð­lag muni hækka innan við 5%.“

Könn­unin varð gerð meðal aðild­ar­fyr­ir­tækja SA 12. til 15. maí og fjöldi svar­enda var 395.