Ólöf Nor­dal inn­an­rík­is­ráð­herra hyggst ekki loka þriðju flug­braut­inni á Reykja­vík­ur­flug­velli og segir ákvörðun um slíka lokun ekki verða tekna án full­vissu um að lokun braut­ar­innar verði ekki tekin án full­vissu um að lokun hennar komi ekki niður á öryggi flug­vall­ar­ins. 

Þetta kemur fram í svar­bréfi Ólafar til Dags B. Egg­erts­sonar borg­ar­stjóra vegna lok­unar flug­braut­ar­inn­ar, sem gert var sam­komu­lag um fyrir tveimur árum síð­an. Bréfið var lagt fram í borg­ar­ráði í dag. Þar var einnig ákveðið að borg­ar­lög­maður skuli höfða mál á hendur rík­inu vegna þessa. 

Dagur sendi Ólöfu bréf í sumar þar sem farið var fram á það að Ólöf til­kynnti um lokun braut­ar­innar sem fyrst og að gerðar verði breyt­ingar á skipu­lags­regl­um, svo að fyr­ir­hug­aðar fram­kvæmdir á Hlíð­ar­enda við flug­völl­inn geti náð fram að ganga. Ríkið hafi samn­ings­bundnar skyldur til að loka braut­inni og ljóst sé að borgin geti skapað sér skaða­bóta­skyldu gagn­vart upp­bygg­ing­ar­að­ilum og þá verði ríkið sótt til saka. 

Ólöf hafnar þessu öllu í bréfi sínu. Hún mót­mælir mögu­legri bóta­skyldu rík­is­ins venga bygg­ing­ar­á­forma á Hlíð­ar­enda en segir eðli­legt að borgin leggi álita­málin fyrir dóm­stóla svo skorið verði úr um það hvort rík­inu beri að loka flug­braut­inni eða breyta skipu­lags­regl­u­m. 

Ólöf segir í bréfi sínu ljóst að óraun­hæft sé að ætla annað en að flug­völl­ur­inn verði áfram í Vatns­mýri í næstu fram­tíð. „Tryggja verður fullt öryggi flug­vall­ar­ins í Vatns­mýr­inni og þjón­ustu­stig sem sam­ræm­ist hlut­verki vall­ar­ins.“ 

Fram­sókn og flug­vall­ar­vinir greindu frá svar­bréfi Ólafar í frétta­til­kynn­ingu, en flokk­ur­inn fagn­aði þessu í bókun sem lögð var fram í borg­ar­ráði í morg­un.