Nýja stjórn­mála­aflið Við­reisn var form­lega stofnað síð­degis í dag, og var Bene­dikt Jóhann­es­son stærð­fræð­ingur kjör­inn for­mað­ur. Fund­ur­inn var afar vel sóttur og troð­fullt út úr dyr­um, en hátt í 400 manns mættu, segir í til­kynn­ing­u. 

Grunn­stefnumið voru sam­þykkt og stjórn kjör­in. Eft­ir­far­andi voru kjörin í stjórn Við­reisnar sem situr fram að aðal­fundi í haust: 

Ásamt Bene­dikt voru eft­ir­talin kjörin Ásdís Rafn­ar, lög­fræð­ing­ur; Bjarni Hall­dór Jan­us­son, háskóla­nemi; Daði Már Krist­ó­fers­son, hag­fræð­ing­ur; Geir Finns­son, mark­aðs­stjóri; Georg Brynjars­son, hag­fræð­ing­ur; Hulda Herj­ólfs­dóttir Skogland, alþjóða­stjórn­mála­fræð­ing­ur; Jenný Guð­rún Jóns­dótt­ir, kenn­ari; Jón Stein­dór Valdi­mars­son, lög­fræð­ing­ur; Jóna Sól­veig Elín­ar­dótt­ir, alþjóða­stjórn­mála­fræð­ing­ur; Jór­unn Frí­manns­dótt­ir, hjúkr­un­ar­fræð­ing­ur; Katrín Krist­jana Hjart­ar­dótt­ir, stjórn­mála­fræð­ing­ur; Sig­ur­jón Arn­órs­son, við­skipta­fræð­ing­ur; Vil­mundur Jós­eps­son, fv. for­maður Sam­taka atvinnu­lífs­ins og Þór­unn Bene­dikts­dótt­ur, fram­kvæmda­stjóri hjúkr­unar HSS. 

Ræðu­menn á fund­inum voru Geir Finns­son, mark­aðs­stjóri, Hulda Þór­is­dótt­ir, lektor í stjórn­mála­fræði við HÍ, Bjarni Hall­dór Jan­us­son, háskóla­nemi, Helga Val­fells, for­stöðu­maður Nýsköp­un­ar­sjóðs og Bene­dikt Jóhann­es­son, stærð­fræð­ing­ur. 

Fund­ar­stjóri var Saga Guð­munds­dótt­ir, hag­fræð­ing­ur.

Í til­kynn­ingu segir að sam­þykkt hafi verið sú grunn­stefna að „byggja upp sam­fé­lag þar sem ein­stak­lingar vilji og geti nýtt hæfi­leika sína til full­s.“ 

Þá segir að mik­il­vægt sé að tryggja stöð­ug­leika í efna­hags­málum og gæta þess að traust ríki í stjórn­málum og í garð stofn­ana rík­is­ins. Efla beri mál­efna­lega umræðu og góða stjórn­ar­hætti með áherslu á gegn­sæi og gott sið­ferði. Önnur áherslu­at­rið­i: 

• Almanna­hags­munir gangi framar sér­hags­mun­um. Allir ein­stak­ling­ar, heim­ili og fyr­ir­tæki skulu njóta jafn­ræð­is.
• Nátt­úru­auð­lindir lands­ins eru sam­eign þjóð­ar­inn­ar. Þær ber að nýta skyn­sam­lega og greiða mark­aðs­verð fyrir afnot. Óskert nátt­úra er verð­mæt auð­lind.
• Félags­legt rétt­læti, sem byggt er á sam­hug og ábyrgð, tryggir jafnan rétt til mennt­unar og vel­ferð­ar­þjón­ustu.
• Vest­ræn sam­vinna eykur öryggi og hag­sæld þjóð­ar­innar og er for­senda sterkrar sam­keppn­is­hæfni Íslands.
• Jafn­rétti stuðlar að auk­inni vel­megun og tryggir ein­stak­lingum frelsi til að full­nýta hæfi­leika sína og krafta.
• Neyt­endur eiga rétt á að búa við umhverfi þar sem hags­munir þeirra eru í fyr­ir­rúmi.
• Þrótt­mikið menn­ing­ar­líf er sér­hverri þjóð mik­il­vægt og það ber að styðja og efla.