Harpa Jóns­dóttir hefur verið ráðin nýr fram­kvæmda­stjóri fjár­mála­stöð­ug­leika í Seðla­banka Íslands. Hún tekur við starf­inu af Sig­ríði Bene­dikts­dótt­ur, sem gegndi starf­inu frá árinu 2012, en hefur nú farið til starfa hjá Yale-há­skól­anum í Banda­ríkj­un­um. 

Harpa hefur verið aðstoð­ar­fram­kvæmda­stjóri fjár­mála­stöð­ug­leika und­an­farin fimm ár. Áður var hún for­stöðu­maður rann­sókna og við­bún­aðar hjá Seðla­bank­anum og við áhættu­stýr­ing­inu hjá Spari­sjóða­bank­anum og Glitni. Hún hefur setið sem vara­maður í stjórn Fjár­mála­eft­ir­lits­ins frá árinu 2012. Hún er með BS-gráðu í stærð­fræði frá Háskóla Íslands og með meist­ara- og dokt­ors­próf í verk­fræði frá Dan­marks Tekniske Uni­versitet. 

Hag­vangur ann­að­ist form­legt ráðn­ing­ar­ferli en val­nefnd lagði mat á umsækj­endur og gerði til­lögu um ráðn­ing­una. Í val­nefnd sátu Arnór Sig­hvats­son aðstoð­ar­seðla­banka­stjóri, Frið­rik Már Bald­urs­son pró­fessor í hag­fræði í Háskól­anum Reykja­vík, Már Guð­munds­son seðla­banka­stjóri og Unnur Gunn­ars­dóttir for­stjóri Fjár­mála­eft­ir­lits­ins.

Hlut­verk fjár­mála­stöð­ug­leika er að greina áhættu í fjár­mála­kerf­inu og taka þátt í mótun var­úð­ar­reglna fyrir fjár­mála­kerf­ið. Fjár­mála­stöð­ug­leiki hefur einnig umsjón með starf­semi kerf­is­á­hættu­nefndar og tekur þátt í víð­tæku alþjóð­legu sam­starfi varð­andi reglu­verk og eft­ir­lit með fjár­mála­kerf­inu.