Katrín Jak­obs­dótt­ir, for­maður VG, hefur verið boðuð á fund for­seta Íslands á morg­un. Þau munu hitt­ast klukkan eitt á morg­un. Guðni Th. Jóhann­es­son for­seti ákvað að boða Katrínu á sinn fund eftir að hafa átt fund með Bjarna Bene­dikts­syni, for­manni Sjálf­stæð­is­flokks­ins, og rætt við aðra leið­toga flokka. 

Fyrr í dag ræddi Kjarn­inn við Katrínu en þá hafði hún ekki heyrt neitt frá for­set­an­um. Fréttin sem þá var skrifuð fer hér á eft­ir. 

Katrín Jak­obs­dótt­ir, for­maður Vinstri­hreyf­ing­ar­inn­ar–græns fram­boðs, hefur ekki verið boðuð á fund á Bessa­stöð­um. Þetta segir hún í sam­tali við Kjarn­ann. Að öðru leyti sagð­ist hún lítið geta tjáð sig um tíð­indi dags­ins, en stjórn­ar­mynd­un­ar­við­ræðum Sjálf­stæð­is­flokks, Bjartrar fram­tíðar og Við­reisnar var slitið í dag eftir tæp­lega fjög­urra daga við­ræð­ur. 

Bjarni Bene­dikts­son, for­maður Sjálf­stæð­is­flokks­ins, mun mæta til fundar við for­seta Íslands, Guðna Th. Jóhann­es­son, núna klukkan 17. Mögu­lega mun hann skila stjórn­ar­mynd­un­ar­um­boð­inu, sem Guðni fól honum fyrir tveimur vikum síð­an. Það verður vænt­an­lega ljóst að fundi þeirra lokn­um. 

Ef Bjarni skilar umboð­inu eða Guðni ákveður að fela það ein­hverjum öðrum er talið lík­legt að sú mann­eskja verði Katrín Jak­obs­dótt­ir. Vinstri-græn eru næst­stærsti flokkur lands­ins eftir kosn­ing­arn­ar, og Katrín hefur lýst því yfir að fengi hún umboðið yrði hennar fyrsti kostur að reyna að mynda stjórn frá vinstri og að miðju.