Katrín Jak­obs­dótt­ir, for­maður Vinstri­hreyf­ing­ar­inn­ar-græns fram­boðs, segir að það geti verið ein­fald­ast í ljósi stöð­unnar í íslenskum stjórn­málum að mynda þjóð­stjórn og boða svo til nýrra kosn­inga. Þetta kemur fram í DV og Morg­un­blað­inu í dag. 

Upp úr við­ræðum Katrínar og Bjarna Bene­dikts­son­ar, for­manns Sjálf­stæð­is­flokks­ins, slitn­aði í gær. Einnig kom fram í gær að flokk­arnir fjórir sem reyndu að mynda fimm flokka stjórn með VG væru farnir að ræða saman aft­ur, það er Sam­fylk­ing­in, Pírat­ar, Björt fram­tíð og Við­reisn. Flestum hafi ekki þótt sú stjórn­ar­myndun full­reynd. 

„Það liggur fyrir að það slitn­aði upp úr við­ræðum þess­ara fimm flokka vegna þess að Við­reisn hafði ekki sann­fær­ingu fyrir því að þetta sam­starf gæti gengið upp. Ég veit ekki hvað ætti að hafa breyst í þeim efn­um,“ er haft eftir Katrínu í DV. „Mér finnst kannski bara ástæða til þess að flokk­arnir velti fyrir sér hvort ekki sé kom­inn tími til að mynda hérna þjóð­stjórn og kjósa að nýju eftir ein­hvern ákveð­inn tíma. Ég velti fyrir mér hvort það sé ekki bara ein­fald­ast í ljósi stöð­unn­ar.“

Leið­togar allra flokk­anna á Alþingi munu mæta til fundar við Guðna Th. Jóhann­es­son, for­seta Íslands, í dag til að ræða stöð­una sem uppi er í íslenskum stjórn­mál­um. Bjarni Bene­dikts­son mun mæta fyrstur klukkan 10 og svo koll af koll­i. 

Búið er að boða til þing­fundar næsta þriðju­dag klukkan 13.30.