Sævar Freyr Þrá­ins­son, frá­far­andi for­stjóri 365 miðla, hefur verið ráð­inn bæj­ar­stjóri á Akra­nesi. Bær­inn greindi frá þessu fyrir skömmu, en Sævar Freyr hefur störf í dag. Hann greindi starfs­fólki á 365 miðlum frá því í morgun að hann myndi hætta þar störf­um, eftir að til­kynnt var um kaup Voda­fone á flestum miðlum 365.

Sævar Freyr var ráð­inn bæj­ar­stjóri á lok­uðum fundi þann 28. febr­úar síð­ast­lið­inn. Það var gert sam­hljóða, en Sævar tekur við starf­inu af Regínu Ásvalds­dótt­ur, sem tók nýlega við starfi sviðs­stjóra vel­ferð­ar­sviðs Reykja­vík­ur­borg­ar. 

Sævar er við­skipta­fræð­ingur með langa stjórn­un­ar­reynslu. Hann starf­aði sem for­stöðu­maður og fram­kvæmda­stjóri hjá Sím­anum um margra ára skeið þar sem hann bar meðal ann­ars ábyrgð á þró­un, sölu, mark­aðs­mál­um, vöru­stjórn­un, við­skipta­stýr­ingu og gagna­lausn­um. Hann varð for­stjóri Sím­ans árið 2007 og gegndi því starfi þar til hann tók við for­stjóra­stöðu hjá 365 miðl­um. Sævar á sæti í fram­kvæmda­stjórn við­skipta­ráðs og hefur gengt stjórn­ar­for­mennsku meðal ann­ars hjá fyr­ir­tækj­unum Sensa og On-Wa­ves og átt sæti í stjórnum fjöl­margra fyr­ir­tækja sem tengj­ast fjar­skipta­málum og hug­bún­aði.

Í til­kynn­ingu Akra­ness­bæjar segir að Sævar hafi tekið með virkum hætti í sam­fé­lags- og menn­ing­ar­málum á Akra­nesi, hann sé vara­for­mað­ur knatt­spyrnu­fé­lags Íþrótta­banda­lags Akra­ness, vara­for­maður Vest­ur­landsvakt­ar­innar sem eru holl­vina­sam­tök Heil­brigð­is­stofn­unar Vest­ur­lands og stjórn­ar­maður í góð­gerð­ar­fé­lag­inu, Club 71. Þá hefur hann átt sæti í atvinnu­mála­nefnd kaup­stað­ar­ins og í stjórn Líf­eyr­is­sjóðs Akra­nes­kaup­stað­ar.