Inn­leið­inga­halli Íslands hvað varðar EES-til­skip­anir er nú 1,8 pró­sent en var í maí 2017 2,2 pró­sent. Ísland er þó enn í neðsta sæti þegar inn­leið­ing­ar­halli EES-­ríkj­anna er tek­inn sam­an. Þetta kemur fram í frétt utan­rík­is­ráðu­neyt­is­ins. 

Frammi­stöðu­mat Eft­ir­lits­stofn­unar EFTA frá því í maí 2017 fram í nóv­em­ber sama ár var kynnt þann 6. apríl síð­ast­lið­inn. Þar er gerð grein fyrir árangri EES-­ríkj­anna innan EFTA við inn­leið­ingu EES-­gerða. Þá er lögð sér­stök áhersla á inn­leið­ingu til­skip­ana en hægt er að bera þær upp­lýs­ingar saman við inn­leið­ingu ESB-­ríkja, en það sama á ekki við um inn­leið­ingu reglu­gerða.

Í sam­skiptum Kjarn­ans við ESA kemur fram að þessar tölur sem nú birt­ast hafa ekki verið bornar saman við tölur ESB, það verði aftur á móti gert í sum­ar. Enn fremur kemur fram að Ísland hafi bætt sig, eins og áður seg­ir, sér­stak­lega þegar kemur að reglu­gerð­um.

Sam­kvæmt yfir­liti ESA er Ísland eina EES-­ríkið innan EFTA sem hefur bætt frammi­stöðu sína frá því í maí 2017 þegar kemur að inn­leið­ingu á til­skip­un­um. Ísland er þó enn í neðsta sæti þegar inn­leið­ing­ar­halli EES-­ríkj­anna er tek­inn saman yfir umrætt tíma­bil.

Fimmtán til­skip­anir hafa ekki verið inn­leiddar að fullu á réttum tíma hér á landi. Í Nor­egi jókst inn­leið­ing­ar­halli frá síð­asta frammi­stöðu­mati og fór hann úr 0,2 pró­sent í 0,5 pró­sent og inn­leið­ing­ar­halli jókst lít­il­lega hjá Liechten­stein úr 1,2 pró­sent í 1,3 pró­sent. Í frétt ráðu­neyt­is­ins segir að frá árs­byrjun 2011 hafi það verið mark­mið ESB og ESA að aðild­ar­ríkin haldi inn­leið­ing­ar­hall­anum undir 0,5 pró­sent.

Upp­­­­­taka EES gerða er grund­­­völlur fyrir aðgengi Íslands og hinna EES ríkj­anna að innri mark­aði Evr­­­ópu­­­sam­­­bands­ins. Það að Ísland standi sig svona illa í inn­­­­­leið­ingum þýðir að íslenskir rík­­­is­­­borg­­­ar­­­ar, og rík­­­is­­­borg­­­arar innan alls EES svæð­is­ins, njóta ekki að fullu kosta innri mark­að­­­ar­ins.