Ísland var í dag kjörið í mann­réttinda­ráð Sam­ein­uðu þjóð­anna með 172 af 178 greiddum atkvæðum í kosn­ingum sem fóru fram í alls­herj­ar­þingi SÞ í New York. Ísland hefur því tekið sæti í ráð­inu sem Banda­ríkin létu eftir nýverið og mun sitja út kjör­tíma­bilið til árs­loka 2019. Fjöru­tíu og sjö ríki sitja í mann­réttinda­ráð­inu sem hefur aðsetur í Genf, þar af til­heyra sjö hópi Vest­ur­-­Evr­ópu og ann­arra ríkja (WEOG).

Í til­kynn­ingu frá utan­rík­is­ráðu­neyt­inu er haft eftir Guð­laugi Þór Þórð­ar­syni ráð­herra að gleði­legt sé hversu breiður stuðn­ingur hafi náðst um kjör Íslands. Það hvetji til dáða í þeim verk­efnum sem bíða. Stöð­unni fylgi mikil ábyrgð og mik­il­vægt sé að Íslend­ingar standi saman í axla hana. „Hlut­verk mann­réttinda­ráðs­ins er að efla og vernda mann­rétt­indi í aðild­ar­ríkjum SÞ og Ísland mun ekki láta sitt eftir liggja í þeim efn­um,“ segir Guð­laugur Þór.

Einar Gunn­ars­son, fasta­full­trúi Íslands hjá SÞ, kynnti stefnu­mál Íslands vegna set­unnar í mann­réttinda­ráð­inu fyrir fullum sal í höf­uð­stöðvum SÞ í gær og gafst full­trúum aðild­ar­ríkjum og félaga­sam­taka þar tæki­færi til að spyrja spurn­inga um áherslur Íslands og afstöðu til ýmissa stærstu álita­efna í störfum mann­réttinda­ráðs­ins.

Fasta­nefnd Íslands í Genf sinnir störfum Íslands í mann­réttinda­ráð­inu sem nú verða nokkuð umfangs­meiri. Mann­réttinda­ráðið fundar þrisvar á ári í föstum fund­ar­lotum þrjár til fjórar vikur í senn. Þess utan kemur það saman til að ræða ein­stök brýn mann­rétt­inda­mál. Þá fjallar ráðið um ástand mann­rétt­inda í ein­stökum aðild­ar­ríkjum SÞ með svo­kall­aðri alls­herj­ar­út­tekt.

Engin útgjöld hafa fylgt fram­boði Íslands til mann­réttinda­ráðs Sam­ein­uðu þjóð­anna sam­kvæmt til­kynn­ingu ráðu­neyt­is­ins.