Evr­ópu­sam­bandið stefnir að því að koma af stað aðgerð­ar­á­ætlun gegn kosn­inga­á­róð­urs í formi fals­frétta á sam­fé­lags­miðlum í haust. Þetta kemur fram í frétt á vef sem T­he Gu­ar­di­an birti í morg­un. 

Sam­kvæmt frétt­inni sagði Ver­a Jo­urová, fram­kvæmda­stjóri dóms­mála hjá sam­band­in­u,  rík­is­stjórn­ir að­ild­ar­þjóð­anna þurfa að sam­rýma aðgerðir sínar til að berj­ast gegn fals­fréttum og mis­notkun á per­sónu­upp­lýs­ingum í póli­tískum aug­lýs­ing­um.

Fram­kvæmda­stjórn Evr­ópu­sam­bands­ins hefur einnig lagt fram starfs­reglur fyrir öll aðild­ar­ríki þess til að berj­ast gegn mis­vísandi upp­lýs­ing­um, hvetja sam­fé­lags­miðla til að tak­marka per­sónu­mið­aðar aug­lýs­ingar í póli­tískum til­gangi og auka gagn­sæi í fjár­mögnun slíkra kosn­inga­bar­átta. Enn fremur hefur stjórnin kallað eftir sjálf­stæðs vett­vangs stað­reynda­vakt­ara auk aðgerða til að bæta gæði frétta­mennsku og fjöl­miðla­læsi innan sam­bands­ins. 

Liggur fyrir í haust

Sam­kvæmt Jo­urová­ hafa fals­fréttir og íhlut­anir í kosn­ingum sem byggðar eru á mis­vísandi upp­lýs­ingum áhrif á allt sam­bandið í heild sinni þótt reglu­verk í kringum kosn­ingar til rík­is­stjórna sé í höndum hverrar aðild­ar­þjóð­ar. „Við þurfum að bæta sam­starf okkar í þessum málum innan allrar álf­unn­ar,“ sagð­i Jo­urová­ og bætti við að stefnu­yf­ir­lýs­ing eða aðgerð­ar­á­ætlun ætti að liggja fyrir í haust. 

Frétt Gu­ar­di­an vísar einnig í skýrslu sem Ox­for­d Inter­net Institu­te birti nýlega, en sam­kvæmt henni hafa fund­ist sann­anir um skipu­lagðar íhlut­anir í kosn­ingum í 48 löndum í ár. Talan hefur hækkað ört á skömmum tíma, en í fyrra námu íhlut­an­irnar alls til 28 landa.