Hvernig tök­umst við á við fals­fréttir sam­fé­lags­miðla? Við getum auð­vitað sett alls­konar regl­ur. En besta vörnin er auð­vitað sú að fólk sé þjálfað í gagn­rýnni hugs­un. Að það séu kennt ákveðin vinnu­brögð við það að meta upp­lýs­ing­ar.“

Þetta sagði Dr. Hug­inn Freyr Þor­steins­son, sér­fræð­ingur hjá Aton og for­maður starfs­hóps for­sæt­is­ráð­herra sem vann skýrslu um Ísland og fjórðu iðn­bylt­ing­una, í við­tali við Þórð Snæ Júl­í­us­son, rit­stjóra Kjarn­ans. Við­talið birt­ist í sjón­varps­þætt­inum 21 á Hring­braut í vik­unni.

Hægt er að sjá stiklu úr því hér að neð­an.

Hug­inn segir það mjög mik­il­vægt að huga að stöðu borg­ar­anna gagn­vart tækn­inni. Það sé til að mynda hægt að gera með því að breyta áherslum í mennta­mál­um. „Þá eigum við auð­vitað að horfa á hvernig við und­ir­búum okkar fólk best til að takast á við áskor­anir í atvinnu­líf­inu og hvernig fólk getur menntað sig best til að vera með þá færni sem þarf fyrir fjórðu iðn­bylt­ing­una.“

Hann nefnir síðan útbreiðslu fals­frétta sem dæmi um eitt­hvað sem hægt sé að kenna við­brögð við, enda veki hún upp allskyns vanda­mál. Gott dæmi sé vandi sem teng­ist rangri upp­lýs­inga­dreif­ingu um bólu­setn­ing­ar.

Aðrar lyk­il­spurn­ingar sem snúa að sjálf­ræði borg­ar­anna og hvernig það sé eflt sam­hliða miklum tækni­breyt­ingum snúi til að mynda að per­sónu­vernd og hvernig eigi að vernda einka­líf fólks á tímum þegar öll þessi söfnun upp­lýs­inga er að eiga sér stað i gegnum tækni­fram­far­ir. „Líka varð­andi dreif­ingu gæða ef það verður mikil hag­ræð­ing í ein­hverjum atvinnu­geirum og mikil auð­söfnun á ein­hverjum stöð­um, hvernig tryggjum við það að hún dreif­ist með sann­gjörnum hætti út í sam­fé­lag­ið.“