„Ég skil vel hvernig þetta kom við fólk. Þessi mynda­taka af okkur saman í einum hópi, þrátt fyrir strangt til tekið skilj­ist mér að það sé ekki brot á ein­hverjum regl­um, að þá var hún óþarfi og við hefðum ekki átt að taka hana. Og mér þykir það leitt.“

Þetta sagði Þór­dís Kol­brún Reyk­fjörð Gylfa­dótt­ir, ferða­­mála-, iðn­­að­­ar- og nýsköp­un­­ar­ráð­herra, í fréttum RÚV í kvöld en myndir af vin­konu­hitt­ingi hennar um helg­ina, þar sem þær voru mynd­aðar nokkrum sinnum saman í einum hnappi, hefur sætt gagn­rýni í ljósi tveggja metra regl­unnar svoköll­uðu sem var ekki við­höfð við þær mynda­tök­ur. Bjarni Bene­dikts­son, for­maður Sjálf­stæð­is­flokks­ins, kall­aði hegðun hennar „óheppi­lega“ í dag. 

Katrín Jak­obs­dóttir for­sæt­is­ráð­herra sagði í Kast­ljósi í kvöld að það væri auð­vitað þannig að rík­ari kröfur væru gerðar til ráð­herra en ann­arra að passa sig í sínum ein­stak­lings­bundnu sótt­vörn­um.

Í stöðu­upp­færslu á Face­book í gær skrif­aði Þór­dís: „Ég átti lang­­þráðan frí­dag með æsku­vin­­konum mínum sem mér þykir vænt um og dag­­ur­inn, sem ég hafði hlakkað mikið til, var nær­andi. En dag­­ur­inn í dag síður og ein­fald­­ara hefði verið að ákveða að vera ekki með þeim.“

Í við­tal­inu við RÚV í kvöld sagði Þór­dís að það hafi ekki verið þannig að hún hefði þurft svo ofboðs­lega mikið á fríi að halda, heldur hefði verið lang­þráð að hitta æsku­vin­konur sín­ar. Þær búi í mis­mun­andi bæj­ar­fé­lögum og hitt­ist ekki oft. „Ég átta mig á að ég er í fram­línu og fronti og þetta er risa­stórt verk­efni og okkur líður öllum alls­kon­ar. En ég bara full­vissa fólk um að ég er að gera mitt besta og ég mun áfram segja að ein­stak­lings­bundnar sótt­varnir séu mik­il­væg­asta verk­færið okkar í þess­ari veiru.“

Aðspurð hvort þeir sem væru að virða tveggja metra regl­una í sínu dag­lega lífi væru að mis­skilja til­mæli stjórn­valda sagði hún að almenna reglan væri tveggja metra regl­an. „Það er skylda rekstr­ar­að­ila að fólk geti komið inn á veit­inga­stað og við­haldið þess­ari tveggja metra reglu. En að öðru leyti finnst mér þrí­eykið hafa svarað þessu ágæt­lega í dag. Ég tek þetta til mín og vanda mig. En ég taldi mig að sjálf­sögðu vera að fylgja regl­u­m.“

Fjölmargir hafa verið að fresta við­burðum á borð við ferm­ingum og jarð­ar­förum eftir að nálægð­ar­við­mið voru hert í lok síð­asta mán­að­ar, en þá sagði Svan­dís Svav­ars­dóttir heil­brigð­is­ráð­herra á blaða­manna­fundi að þar sem fólk kæmi saman og í allri starf­­semi yrði tveggja metra reglan við­höfð á milli ein­stak­l­inga. „Það er að segja að hún verði ekki lengur val­­kvæð heldur skyld­u­bund­in. Þar sem ekki er hægt að tryggja tveggja metra fjar­lægð milli ótengdra ein­stak­l­inga þá er kraf­ist not­k­unar and­lits­grímu sem hylur nef og munn.“

Þór­dís sagði að þeir sem frest­uðu atburðum væru að taka ein­stak­lings­bundnar ákvarð­an­ir. „Ég myndi sjálf ekki halda hund­rað manna ferm­ing­ar­veislu. En það er líka stórt verk­efni að finna út úr því hvernig við gerum þetta sam­an. Ég átta mig á mínu hlut­verki í því.“