Sam­fylk­ingin hefur birt lista yfir þá ein­stak­linga sem gefa kost á sér til þess að taka sæti á fram­boðs­listum flokks­ins í Reykja­vík. Alls eru fram­bjóð­end­urnir 49 tals­ins.

Nokkur nöfn koma á óvart á list­an­um, en þar má meðal ann­arra finna Stefán Ólafs­son pró­fessor og sér­fræð­ing hjá Efl­ingu, Rósu Björk Brynj­ólfs­dóttur alþing­is­mann, Karl Th. Birg­is­son blaða­mann og Nicole Leigh Mosty, fyrr­ver­andi þing­mann Bjartrar fram­tíð­ar.

Einnig er Ásta Guð­rún Helga­dóttir fyrr­ver­andi þing­maður Pírata á list­anum og sömu­leiðis Inga Auð­björg Straum­land for­maður Sið­mennt­ar. Þess má geta að hún eig­in­kona Helga Hrafns Gunn­ars­sonar þing­manns Pírata.

Hjálmar Sveins gefur kost á sér í lands­málin

Nokkrir úr borg­ar­stjórn­ar­flokki Sam­fylk­ing­ar­innar eru á list­an­um, en borg­ar­full­trú­arnir Hjálmar Sveins­son og Ragna Sig­urð­ar­dóttir gefa bæði kost á sér auk vara­borg­ar­full­trú­anna Arons Leví Beck og Ellenar Calmon.

Báðir þing­menn flokks­ins í Reykja­vík, Ágúst Ólafur Ágústs­son og Helga Vala Helga­dótt­ir, gefa kost á sér til þess að vera áfram í far­ar­broddi fyrir Sam­fylk­ing­una í Reykja­vík. Það gerir einnig Rósa Björk Brynj­ólfs­dótt­ir, sem gekk í þing­flokk Sam­fylk­ing­ar­innar í gær, en hún er þing­maður Suð­vest­ur­kjör­dæmis og óljóst var þar til nú hvort hún hefði hug á að bjóða fram krafta sína í Reykja­vík­.

Tals­verður fjöldi fólks hafði þegar stað­fest að það ætl­aði að gefa kost á sér, þeirra á meðal Kristrún Frosta­dóttir aðal­hag­fræð­ingur Kviku banka, Jóhann Páll Jóhanns­son fyrr­ver­andi blaða­maður á Stund­inni og Guð­mundur Ingi Þór­odds­son, for­maður Afstöðu, félags fanga, svo nokkur séu nefnd.

Fram­boðs­könnun stendur yfir fram á sunnu­dag

Sam­fylk­ingin ætlar ekki að halda próf­kjör í Reykja­vík fyrir kom­andi kosn­ing­ar, eins og áður hefur verið greint frá, heldur nota svo­kall­aða „­sænska leið“ við upp­still­ingu á lista. Hún felur í sér að flokks­fé­lagar geta lýst skoðun sinni á fram­bjóð­endum og hefst fram­boðs­könnun á net­inu síð­degis í dag og stendur fram á kom­andi sunnu­dag.

Í könn­un­inni velur hver og einn 5 til 10 fram­bjóð­endur með kjör­merk­inu X en ekki með tölu­gildum eins og algeng­ast er í próf­kjörum hér­lend­is. Þessar nið­ur­stöður verða svo kynntar upp­still­ing­ar­nefnd flokks­ins, en úrslitin verða ekki opin­beruð. Upp­still­ing­ar­ferlið á að hefj­ast strax að lok­inni fram­boðs­könn­un, sam­kvæmt til­kynn­ingu frá full­trúa­ráði Sam­fylk­ing­ar­innar í Reykja­vík. 

Búist er við að listar flokks­ins verði kynntir í febr­ú­ar.

Listi fram­bjóð­enda í heild

• Aldís Mjöll Geirs­dótt­ir, for­seti Norð­ur­landa­ráðs æsk­unnar
• Alex­andra Ýr van Erven, rit­ari Sam­fylk­ing­ar­innar
• Aron Leví Beck Rún­ars­son, mynd­list­ar­maður og vara­borg­ar­full­trúi
• Auður Alfa Ólafs­dótt­ir, sér­fræð­ingur hjá Alþýðu­sam­bandi Íslands
• Axel Jón Ellen­ar­son
• Ágúst Ólafur Ágústs­son, alþing­is­maður
• Ásgeir Bein­teins­son, skóla­ráð­gjafi
• Ásta Guð­rún Helga­dótt­ir, ráð­gjafi
• Björn Atli Dav­íðs­son, lög­fræð­ingur
• Bolli Héð­ins­son, hag­fræð­ingur og for­maður efna­hags­nefndar Sam­fylk­ing­ar­innar
• Dag­finnur Svein­björns­son, for­stjóri Arctic Circle
• Einar Kára­son, rit­höf­undur og vara­þing­maður
• Ellen J. Calmon, vara­borg­ar­full­trúi
• Eva H. Bald­urs­dótt­ir, lög­maður og jóga­kenn­ari – for­maður umhverf­is­hóps Sam­fylk­ing­ar­innar
• Finnur Birg­is­son, arki­tekt á eft­ir­launum
• Fríða Braga­dóttir
• Guð­mundur Ingi Þór­odds­son, for­maður Afstöðu
• Gunnar Alex­ander Ólafs­son, heilsu­hag­fræð­ingur
• Gunn­hildur Fríða Hall­gríms­dóttir
• Halla Gunn­ars­dótt­ir, lyfja­fræð­ingur
• Helga Vala Helga­dótt­ir, alþing­is­maður
• Hjálmar Sveins­son, borg­ar­full­trúi
• Hlíf Steins­dótt­ir, aktí­visti og bar­áttu­kona 
• Hlynur Már Vil­hjálms­son, stofn­andi Félags fóst­ur­barna og starfs­maður frí­stunda­heim­ilis
• Hösk­uldur Sæmunds­son, leik­ari og mark­aðs­maður - for­maður atvinnu­vega­hóps Sam­fylk­ing­ar­innar
• Inga Auð­björg Straum­land, athafn­ar­stjóri og Kaospilot
• Ingi­björg Gríms­dótt­ir, þjón­ustu­full­trúi hjá Vel­ferð­ar­sviði Reykja­vík­ur­borgar
• Ída Finn­boga­dótt­ir, mann­fræð­ingur og deild­ar­stjóri á áfanga­heim­ili
• Jóhann Páll Jóhanns­son, blaða­maður og stjórn­mála­hag­fræð­ingur
• Jóhanna Vig­dís Guð­munds­dótt­ir, fram­kvæmda­stjóri Almannaróms
• Karl Th. Birg­is­son, blaða­maður
• Kikka K. M. Sig­urð­ar­dótt­ir, leik­skóla­kenn­ari
• Kristrún Mjöll Frosta­dótt­ir, hag­fræð­ingur
• Magnea Mar­in­ós­dótt­ir, alþjóða­stjórn­mála­fræð­ingur og sér­fræð­ingur í jafn­rétt­is­málum
• Magnús Árni Skjöld Magn­ús­son, dós­ent í stjórn­mála­fræði við Háskól­ann á Bif­röst - for­maður alþjóða­hóps Sam­fylk­ing­ar­innar
• Magnús Davíð Norð­dahl
• Nichole Leigh Mosty, for­maður Sam­taka kvenna af erlendum upp­runa á Íslandi og verk­efna­stjóri í Hverf­is­verk­efni Breið­holts
• Nikólína Hildur Sveins­dótt­ir, vef­stjóri og fyrr­ver­andi for­seti UJ
• Óskar Steinn Ómars­son, deild­ar­stjóri á leik­skóla
• Ragna Sig­urð­ar­dótt­ir, for­seti Ungra jafn­að­ar­manna og borg­ar­full­rúi í Reykja­vík
• Rósa Björk Brynj­ólfs­dótt­ir, alþing­is­maður
• Sig­fús Ómar Hösk­ulds­son, vara­for­maður SffR
• Sonja Björg Jóhanns­dótt­ir, deild­ar­stjóri á leik­skóla - Bs. í sál­fræði
• Stef­anía Jóna Niel­sen, sér­fræð­ingur á kjara­sviði Sam­eykis
• Stefán Ólafs­son, pró­fessor við HÍ og sér­fræð­ingur hjá Efl­ingu – stétt­ar­fé­lagi
• Stein­unn Ása Þor­valds­dótt­ir, fjöl­miðla­kona
• Stein­unn Ýr Ein­ars­dótt­ir, forman Kvenna­hreyf­ingar Sam­fylk­ing­ar­innar
• Viðar Egg­erts­son, leik­stjóri og verð­andi eldri borg­ari í starfs­þjálfun
• Viktor Stef­áns­son, for­seti Hall­veigar – Ungra jafn­að­ar­manna í Reykja­vík
• Vil­borg Odds­dóttir
• Þór­ar­inn Snorri Sig­ur­geirs­son