AFL-­spari­sjóður verði seldur í skil­greindu ferli fyrir 1. ágúst 2015. Arion banki hefur þegar aug­lýst spari­sjóð­inn til sölu í sam­ræmi við fram­an­greinda sátt, með aug­lýs­ingu í Við­skipta­blað­inu. Þar er fjár­festum sem vilja taka þátt í útboð­inu gef­inn frestur til að skila upp­lýs­ing­um.

Þetta kemur fram í frétta­til­kynn­ingu frá Sam­keppn­is­eft­ir­lit­inu, en með ákvörðun nr. 9/2015 sem birt er í dag er tekin afstaða til yfir­ráða Arion banka hf. yfir AFLi-­spari­sjóði ses. „Ákvörð­unin grund­vall­ast á sátt sem Sam­keppn­is­eft­ir­litið og Arion banki hafa gert með sér á grund­velli sam­keppn­islaga. Sáttin var gerð í fram­haldi af því að Arion banki hafði öðl­ast full yfir­ráð yfir spari­sjóðnum með breyt­ingum á sam­þykktum sjóðs­ins, sem tak­markað höfðu atkvæða­vægi bank­ans. Af því til­efni hafði Arion banki lýst því yfir að hann hyggð­ist selja hlut sinn í sjóðnum í opnu sölu­ferli,“ segir í til­kynn­ingu frá eft­ir­lit­inu.

AFL-­spari­sjóður starfar í óbreyttu horfi á sölu­tíma­bil­inu og Arion banka er óheim­ilt að grípa til nokk­urra ráð­staf­ana sem raskað geta sam­keppn­is­legu sjálf­stæði AFLs, að því er segir í til­kynn­ing­unni. Óháðir kunn­áttu­menn skulu fylgj­ast með sölu­ferl­inu og fram­fylgd bank­ans við skil­yrði sem sett hafa verið fyrir yfir­ráðum bank­ans á spari­sjóðn­um, segir enn frem­ur.

DV greinir frá því í dag, að efna­hags­ráð­gjafi rík­is­stjórnar Íslands þegar kemur að hinni svo­nefndu leið­rétt­ingu, Tryggvi Þór Her­berts­son, hafi hug á því að kaupa AFL-­spari­sjóð og sé í við­ræðum við fjár­festa um þátt­töku í þessum við­skipt­um. Meðal þeirra sem nefndir eru sem mögu­legir þátt­tak­endur í við­skipt­unum eru Kaup­fé­lag Skag­firð­inga og aðrir fjár­festar á Norð­ur­landi.

Skili sölu­til­raunir Arion banka ekki árangri innan sölu­frests­ins, er Arion banka heim­ilt að grípa til nauð­syn­legra ráð­staf­ana, með það að mark­miði að sam­eina spari­sjóð­inn bank­an­um, að því er segir í til­kynn­ing­unni.