Gunnar Bragi Sveins­son, utan­rík­is­ráð­herra, segir í sam­tali við RÚV það hafa verið „at­hygl­is­vert“ að fylgj­ast með fólki túlka orð hans um hval­veiðar und­an­farna viku. Í við­tali við Skessu­horn í síð­ustu viku sagði Gunnar Bragi tíma­bært að end­ur­skoða hval­veiðar við Ísland vegna þrýst­ings alþjóða­sam­fé­lags­ins.

Jón Gunn­ars­son

Haft er eftir Jóni Gunn­ars­syni, for­maður atvinnu­vega­nefndar Alþing­is, á vef RÚV að hann sé „al­gjör­lega ósa­mála Gunn­ari Braga í þess­ari nálgun hans á mál­in­u.“ Á Face­book hefur hann jafn­framt farið mik­inn bent þeim á sem segja hval­veiðar standa ferða­þjón­ustu fyrir þrifum að slíkar full­yrð­ingar stand­ist enga skoð­un.

„Bendi á að þegar atvinnu­veiðar voru heim­il­aðar drógu and­stæð­ingar upp mjög dökka mynd af nei­kvæðum áhrifum á ferða­þjón­ustu og útflutn­ings­grein­ar,“ skrif­aði Jón. „Ekk­ert af þessu gekk eft­ir. Í öðru lagi þá snýst málið um sjálf­stæðan rétt okkar um sjálf­bæra nýt­ingu auð­linda og rétt ein­stak­linga til atvinnu­frels­is, grund­vall­ar­rétt­indi sem Sjálf­stæð­is­menn standa vörð um.“

Enn í sam­tali við RÚV sagði Jón að honum þætti jafn­vel eðli­legt að auka hval­veiðar hér við land. Gunnar Bragi seg­ist hafa viljað benda á þann þrýst­ing sem Íslend­ingar verða fyrir á alþjóða­vett­vangi vegna hval­veið­anna. „[…] það er umhugs­un­ar­efni fyrir okkur hvort við ættum ekki að koma til móts við alþjóða hval­veiði­ráðið til að mynda með því að veiða færri hvali árlega en við gerum nú,“ lét Gunnar Bragi hafa eftir sér í við­tal­inu í Skessu­horni.

„Ég reyndar ítreka í við­tal­inu að við megum aldrei gefa eftir rétt okkar til að veiða hvali. Ég vil líka taka fram að hrefnan er und­an­skilin við þetta. Ég held að við eigum að veiða hrefn­una sem aldrei fyrr,“ segir Gunnar Bragi í sam­tali sínu við RÚV. „Ég taldi það skyldu mína að velta þessu upp, hvort það geti þjónað hags­munum okk­ar. En það ekki mitt að ákveða það.“