Stjórn­endur greiðslu­korta­fyr­ir­tæk­is­ins Borg­unar íhuga nú að krefj­ast þess að rann­sakað verði hvernig upp­lýs­ingar um úttekt fyr­ir­tæk­is­ins af reikn­ingi hjá Spari­sjóði Vest­manna­eyja röt­uðu í fjöl­miðla. Þeir telja að mögu­lega hafi banka­leynd verið rofin með því.

„Þessi leki er þess eðlis að okkur þykir fyllsta ástæða til að hann verði rann­sak­að­ur,“ segir Haukur Odds­son, for­stjóri Borg­un­ar, í sam­tali við DV í dag.

Borgun tók út rúmar 200 millj­ónir króna úr spari­sjóðnum í áhlaupi á bank­ann í mars. Það var um þriðj­ungur heild­ar­upp­hæð­ar­innar sem var tekin út í áhlaup­inu, en heild­ar­upp­hæðin nam um 700 millj­ónum króna. Fréttir bár­ust af slæmri stöðu sjóðs­ins og vís­bend­ingar voru um mikla virð­is­rýrnun lána­safns spari­sjóðs­ins, sem hefði getað leitt til gjald­þrots. Í kjöl­far áhlaups­ins tók Lands­bank­inn Spari­sjóð Vest­manna­eyja yfir.

Það var Morg­un­blaðið sem greindi svo fyrst frá úttektum Borg­un­ar, tveimur dögum eftir að yfir­taka lands­bank­ans var heim­il­uð, og vitn­aði til ónafn­greindra heim­ilda. Haukur stað­festi þetta svo við fjöl­miðla.

Eins og fram kemur í frétt DV væri rann­sókn á þessu máli á hendi Fjár­mála­eft­ir­lits­ins. Stjórn­endur fyr­ir­tæk­is­ins ætla að fara yfir málið á næstu dögum og ákveða þá vænt­an­lega hvort rann­sóknar verður kraf­ist.