Bene­dikt Jóhann­es­son fyrr­ver­andi for­maður Við­reisnar segir að það sé rangt sem Þor­gerður Katrín Gunn­ars­dóttir núver­andi for­maður flokks­ins sagði við mbl.is fyrr í dag, að hann hefði hafnað því að taka 2. sæti á lista flokks­ins í Reykja­vík­ur­kjör­dæmi norð­ur.

„Þvert á móti féllst ég á þá beiðni for­manns­ins,“ segir Bene­dikt, en útskýrir síð­an, í færslu á Face­book, að hann hafi talið það „eðli­legt og nauð­syn­legt að áður yrði gert út um þau leið­inda­mál sem hófust á ákvörðun upp­still­ing­ar­nefndar flokks­ins að bjóða mér neðsta sæti list­ans.“

Bene­dikt óskaði þannig eftir því að fá afsök­un­ar­beiðni frá þeim sem hefðu komið fram við hann með „óvið­ur­kvæmi­legum hætti“ í þessu máli.

„Ég tók fram að þetta væri ein­ungis til þess að ljúka þessum málum af minni hálfu og leggja grunn að góðu sam­starfi. Ég myndi ekki gera þær afsak­anir opin­ber­ar. Þor­gerður svar­aði eftir umhugsun að slík per­sónu­leg afsök­un­ar­beiðni væri ekki í boði. Því fór sem fór,“ segir Bene­dikt í færslu sinni á Face­book.

Hann seg­ist hafa átt ýmis sam­töl við for­mann flokks­ins, en þau hafi verið sam­mála um að hafa öll sam­skipti þeirra á milli trún­að­ar­mál. „Ástæða þess að ég tala nú um þessi mál er að Þor­gerður kýs að ræða þau opin­ber­lega,“ skrifar Bene­dikt.

Í við­tali við mbl.is í dag sagði Þor­gerður Katrín Gunn­ars­dóttir að Bene­dikt hefði ekki þegið sæt­ið, eftir að hafa verið boðið það. Ekki sagði þar að hann hefði þáð boð­ið, en gert kröfu um afsök­un­ar­beiðni, eins og hann sjálfur segir frá.

„Áður en upp­­still­ing­­ar­­nefnd­in skil­aði inn lista var rætt við Bene­dikt og hon­um boðið annað sæti í öðru Reykja­vík­­­ur­­kjör­­dæm­inu sem hann þáði ekki,“ sagði Þor­­gerður Katrín við mbl.­is.