Umfangs­mikil skoðun er hafin í for­sæt­is­ráðu­neyt­inu á athuga­semdum umboðs­manns Alþing­is, sem koma fram í áliti umboðs­manns vegna leka­máls­ins. Þetta kom fram í máli Sig­mundar Dav­íðs Gunn­laugs­sonar for­sæt­is­ráð­herra í óund­ir­búnum fyr­ir­spurn­ar­tíma á Alþingi rétt í þessu.

Sig­mundur Davíð svar­aði fyr­ir­spurnum frá Val­gerði Bjarna­dótt­ur, þing­konu Sam­fylk­ing­ar­inn­ar, og Rósu Björk Brynj­ólfs­dótt­ur, vara­þing­konu VG, sem spurðu meðal ann­ars um ábend­ingar umboðs­manns Alþingis til ráðu­neyt­is­ins og um álitið almennt.

Sig­mundur sagði að bæði stæði yfir vinna við að skoða þær ábend­ingar sem beint hefði verið sér­stak­lega til for­sæt­is­ráðu­neyt­is­ins og jafn­framt væri verið að fara yfir álit umboðs­manns í heild sinni. Meðal ann­ars beindi umboðs­maður Alþingis athuga­semdum um siða­reglur rík­is­stjórn­ar­inn­ar. Sig­mundur sagð­ist telja að setn­ing siða­reglna fyrir hverja rík­is­stjórn væri heim­ild en ekki skylda. Mögu­lega þyrfti að skerpa á siða­reglum og hlut­verki for­sæt­is­ráðu­neyt­is­ins. „Við þessu öllu verður brugð­ist og sú vinna er í gang­i.“

Þá sagði hann að verið væri að rýna í alla þætti álits­ins og álitið í heild sinni. Sú vinna væri sam­bæri­leg og vinna sem hafin er í inn­an­rík­is­ráðu­neyt­inu. Inn­an­rík­is­ráðu­neytið fékk Haf­stein Þór Hauks­son, lektor við laga­deild Háskóla Íslands, til þess að skoða athuga­semdir er varða stjórn­sýslu ráðu­neyt­is­ins. Hann ætlar að skila áliti í vik­unni.