Mikil umræða hefur verið und­an­farið um svo­kallað sam­visku­frelsi presta, frelsi þeirra til að neita að gefa saman sam­kyn­hneigð pör. Krist­ján Valur Ing­ólfs­son, starf­andi biskup og vígslu­biskup í Skál­holti, hefur sagt að sam­visku­frelsi sé stjórn­ar­skrár­var­inn réttur og meðal dýr­mæt­ustu mann­rétt­inda. Þessu eru margir ósam­mála, meðal ann­ars prestar og Ólöf Nor­dal inn­an­rík­is­ráð­herra, sem segir að prestar geti ekki neitað sam­kyn­hneigðum pörum um hjóna­vígslu á þessum grund­velli.

Agnes M. Sig­urð­ar­dótt­ir, biskup Íslands, hefur ekki tjáð sig um málið und­an­far­ið, en áður hefur komið fram að hún vilji að prestar geti neitað að gifta pör af sama kyni.

For­veri henn­ar, Karl Sig­ur­björns­son, fyrr­ver­andi bisk­up, hefur hins vegar tjáð sig um þessi mál á Face­book. Það gerir hann í kald­hæðnu svari við færslu rit­höf­und­ar­ins Guð­mundar Andra Thors­son­ar, sem gagn­rýnir orða­lagið sam­visku­frelsi. „Að kenna svona for­pokun við sam­visku, slíka neitun við frelsi, er van­brúkun á tungu­mál­in­u,“ segir Guð­mundur Andri.

"Já, sam­visku­frelsi manna hefur auð­vitað alltaf verið til óþurftar og truflað and­lega og ver­ald­lega vald­hafa á hverjum tíma sem hafa fundið sig knúna til að taka þau af sem hafa haft ein­hverjar sam­visku­skrúbl­ur. Allt of margir hafa í ald­anna rás látið líf­iið til að verja meint heilög vé sam­viskunn­ar, það er sann­ar­lega mál að linn­i," svarar Karl Guð­mundi Andra.

Gengur ekki að gera eigin for­dóma meiri en kær­leiks­boð­skap

Vig­fús Bjarni Alberts­son, sjúkra­húss­prestur á Land­spít­al­an­um, skrifar um málið á sína Face­book-­síðu í dag. Hann seg­ist ætla að berj­ast fyrir því „sem prest­ur, kirkju­þings­mað­ur, stjórn­ar­maður í Presta­fé­lagi Íslands, sem mann­eskja, að þetta hug­tak fái ekki stað­ist í þessu sam­hengi. Enn og aftur ætlar fámennur hópur að ógna sam­fylgd þjóðar og kirkju. Nei takk.“

Vig­fús er mjög gagn­rýn­inn á þá presta sem nota þetta hug­tak til að neita að fram­kvæma ákveðnar hjóna­vígslur og segir hug­takið sam­visku­frelsi ekki stand­ast skoð­un. „Þetta hug­tak stenst ekki út frá vígslu­rétt­indum presta. Flestir þeirra eru emb­ætt­is­menn og því skylt að þjóna fólki sem slík­ir.“ Það sé ekki hægt að neita fólki um þessi sjálf­sögðu mann­rétt­indi að ganga í hjóna­band. „Nema þeir vilji breyta þjóð­kirkj­unni í sér­trú­ar­söfn­uð, mjög fámennan söfn­uð, verði þeim að góð­u.“ Þá segir hann að það gangi ekki að ætla að taka kær­leiks­boð­skap Krists og gera eigin for­dóma meiri.