Sig­ur­björg Erla Egils­dóttir bæj­ar­full­trúi Pírata í Kópa­vogi gerir ráðn­ing­ar­samn­ing nýs bæj­ar­stjóra, Ásdísar Krist­jáns­dótt­­ur, að umtals­efni í stöðu­upp­færslu á Face­book í dag en þar bendir hún að í samn­ingnum sé kveðið á um fasta mán­að­ar­lega greiðslu vegna akst­urs sem nemi 1.250 kíló­metrum – að upp­hæð 158.750 króna, skatt­frjálst – í hverjum mán­uði út kjör­tíma­bil­ið.

Fram kemur í drögum að ráðn­ing­ar­samn­ingi að laun bæj­ar­stjóra skuli vera 2.380.021 krónur á mán­uði miðað við 1. júní 2022. Auk laun­anna fær bæj­ar­stjóri greitt fyrir setu í stjórnum eins og stjórn SSH og slökkvi­liðs höf­uð­borg­ar­svæð­is­ins.

„Þetta er rosa­lega mik­ill akstur og engin rök fyrir slíku ákvæði. Þetta jafn­gildir um 60 kíló­metra akstri hvern ein­asta vinnu­dag. Hvern. Ein­asta. Vinnu­dag. Það er engin þörf fyrir bæj­ar­stjóra Kópa­vogs til að keyra svona mikið vegna starfa sinna, en þess má jafn­framt geta að Kópa­vogs­bær á og rekur nokkra raf­bíla sem standa starfs­fólki stjórn­sýsl­unnar til boða þegar það þarf að fara úr húsi til að reka erind­i,“ skrifar hún.

Bæj­ar­full­trú­inn segir að ákvæðið stingi jafn­framt í stúf við bæði yfir­mark­mið Kópa­vogs­bæj­ar, Heims­mark­mið sam­ein­uðu þjóð­anna, og mál­efna­samn­ing meiri­hlut­ans þar sem fjallað sé um mik­il­vægi þess að vanda vel til verka þegar kemur að umhverf­is­mál­um, og að vist­vænir ferða­mátar og virð­ing gagn­vart umhverf­inu leiki þar lyk­il­hlut­verk. „Það að bæj­ar­stjóri Kópa­vogs fyr­ir­hugi að aka 60.000 kíló­metra á kjör­tíma­bil­inu setur ekki gott for­dæmi.“

Hún bætir því við að engan skuli kannski undra að í umræddum mál­efna­samn­ingi Fram­sóknar og Sjálf­stæð­is­flokks sé ekki orði minnst á borg­ar­línu, strætó eða almenn­ings­sam­göng­ur.