Lífslíkur Íslend­inga eru með þeim mestu í Evr­ópu og ung­barna­dauði er minnstur hér­lendis af öllum löndum álf­unn­ar. Á árinu 2014 var með­al­ævi­lengd karla 80,6 ár og með­al­ævi­lengd kvenna 83,6 ár. Frá árinu 1986 hafa karlar bætt við sig rúmum sex árum í með­al­ævi­lengd en konur rúm­lega fjórum árum. Á tíu ára tíma­bili, frá 2004 til 2013, var með­alung­barna­dauði á Íslandi 1,9 barn af hverjum eitt þús­und lif­andi fædd­um. Hvergi í Evr­ópu er ung­barna­dauð jafn sjald­gæfur og hér. Þetta kemur fram í nýjum tölum Hag­stof­unn­ar. 

Karlar elstir á Íslandi og í Sviss

Þegar horft er á þróun með­al­ævi­lengdar yfir tíu ára tíma­bil, frá árinu 2004 til árs­ins 2013, þá lifa karlar á Íslandi og í Sviss lengst allra í Evr­ópu, eða 79,1 ár. Stysta með­al­ævi­skeið karla í álf­unni er Eystra­salts­lönd­un­um. Karlar í Eist­landi verða að með­al­tali 68,8 ára, í Lett­landi 66,4 ára og í Lit­háen 66,1 árs.

Konur verða hins vegar elstar í Frakk­landi og á Spáni, eða 84,1 ára. Íslenskar konur eru þó skammt und­an, en þær urðu að með­al­tali 82,7 ára á tíma­bil­inu. Konur lifa skemmst í Serbíu. eða í 76,1 ár að með­al­tali.

Alls lét­ust 2.049 ein­stak­lingar sem búsettir voru á Íslandi í fyrra. Dán­ar­tíðnin var 6,3 látnir á hverja þús­und íbúa og ung­barna­dauði vara 2,1 barn af hverjum eitt þús­und lif­andi fæddum árið 2014, eða aðeins yfir með­al­tali tíu áranna á und­an.