Byggð á höf­uð­borg­ar­svæð­inu hefur þynnst veru­lega á und­an­förnum ára­tugum og nú fer meira land­rými undir hvern íbúa en nokkru sinni fyrr. Aðeins 35 íbúar bjuggu á hverjum hekt­ara lands árið 2012, sem er mjög dreifð byggð fyrir borg­ar­svæði, en árið 1985 voru 54 íbúar á hverjum hekt­ara.

Þetta er meðal þess sem kemur fram í skýrslu og sam­eig­in­legri stefnu sveit­ar­fé­lag­anna á höf­uð­borg­ar­svæð­inu, Höf­uð­borg­ar­svæðið 2040, sem kom út í vik­unni.

Íbúum á höf­uð­borg­ar­svæð­inu fjölg­aði um 70 þús­und frá árinu 1985 til árs­ins 2012 og gert er ráð fyrir því að á næstu 25 árum verði fjölg­unin 70 þús­und manns til við­bót­ar. Auk fólks­fjölg­unar sem spáð er á höf­uð­borg­ar­svæð­inu er gert ráð fyrir að Suð­vest­ur­hornið haldi áfram að vaxa, en þar hefur einnig verið fjölgun und­an­farin ár á meðan íbúa­fjöldi ann­arra lands­hluta hefur ýmist staðið í stað eða minnk­að, að því er fram kemur í skýrsl­unn­i. ­Síð­ustu 25 ár hefur fjölgun fólks á höf­uð­borg­ar­svæð­inu numið tæp­lega 90 pró­sentum af allri fólks­fjölg­un. ­Gangi þessar spár eftir verða íbúar höf­uð­borg­ar­svæð­is­ins farnir að nálg­ast 300 þús­und árið 2040.

Sveit­ar­fé­lögin á höf­uð­borg­ar­svæð­inu eru sam­mála um að þess­ari fjölgun fólks verður að mæta án þess að bíla­um­ferð auk­ist í sama hlut­falli og án þess að óbyggt land verði brotið í sama mæli og gert hefur verið und­an­farna ára­tugi.

Frá árinu 1985 hafa 37,5 fer­kíló­metrar verið teknir undir íbúða­byggð, sem er álíka stórt land­svæði og Reykja­vík vestan Suð­ur­lands­vegar ásamt Sel­tjarn­ar­nesi.

Sam­an­burður milli áranna 1985 og 2012, skýr­ing­ar­mynd úr stefnu sveit­ar­fé­lag­anna.

Þá kemur fram í skýrsl­unni að bíla­um­ferð á höf­uð­borg­ar­svæð­inu hefur vaxið hlut­falls­lega meira en íbúa­fjöldi síð­ustu ára­tuga. Fjöldi bíla var 67.500 árið 1985 en árið 2012 voru bíl­arnir orðnir 125.500 tals­ins. Það þýðir yfir 1,5 bíll á hverju heim­ili. Ef bílum fjölgar í sama hlut­falli og fólki munu 40 þús­und bílar bæt­ast við bíla­flot­ann til árs­ins 2040.

Lengd ferða hefur líka auk­ist eftir því sem mörk byggð­ar­innar hafa þan­ist út og hlut­fall ferða sem eru farnar með bíl eru með því hæsta sem finnst í borgum af sam­bæri­legri stærð á norð­lægum slóð­um, eða um 75 pró­sent. Að sama skapi er hlutur almenn­ings­sam­gangna lít­ill í alþjóð­legum sam­an­burði, aðeins fjögur pró­sent.