Dan­íel E. Arn­ars­son vara­þing­maður Vinstri grænna sagði undir liðnum störf þings­ins í dag að allt of oft væri aðeins talað um femín­isma þegar hópur kvenna neydd­ist til að koma fram með sögur af grófu kyn­bundnu ofbeldi eða áreiti til að vekja sam­fé­lagið upp og þar með fá þing­menn til að grípa bolt­ann og bregð­ast við.

„Konur þurfa nefni­lega bara að vera dug­legri að vera þæg­ar, eru jafn­vel látnar svara fyrir ummæli sem við karl­arnir höfum látið falla og okkur í feðra­veld­is­sam­fé­lag­inu finnst óþægi­legt að hlusta á og heyra. Við viljum taka undir af umburð­ar­lyndi en svo í kjöl­farið ger­ist harla fátt.

Hversu margar metoo-­bylgjur þurfum við til þess að átta okkur raun­veru­lega á alvar­leika máls­ins, átta okkur raun­veru­lega á öllu ofbeld­inu og hve djúpt það hefur komið sér fyrir í kimum sam­fé­lags­ins? Þá er ég ekki ein­ungis tala um beint lík­am­legt eða kyn­bundið ofbeldi heldur einnig kerf­is­lægt ofbeldi, að við áttum okkur á því að grunn­þjón­usta til kvenna er skert, því að konur þurfa bara að vera dug­legri að vera ekki móð­ur­sjúkar, já eða ekki feit­ar. Já, þær þurfa að vera dug­legri að vera bara nákvæm­lega eins og sam­fé­lagið vill,“ sagði vara­þing­mað­ur­inn.

Er verið að gera nóg?

Dan­íel sagði þó að færa mætti rök fyrir því að margt hefði verið gert á síð­ustu miss­erum, að góð mál hefðu verið lögð fram á þingi, bæði af stjórn og stjórn­ar­and­stöðu, og ýmis­legt fleira væri í vinnslu.

„En er það nóg? Enn þann dag í dag er konum kennt um kyn­ferð­is­of­beldi vegna klæða­burð­ar, atferlis síns eða hegð­un­ar. Við erum enn á þeim stað, þrátt fyrir allt sem hefur verið gert, að við búum við kyn­bund­inn launa­mun, kyn­bundið ofbeldi, kerf­is­lægt ofbeldi gegn konum og að konum sé nauðgað í hverri viku. Mikil er ábyrgð kvenna sem þurfa bara að vera dug­legri að láta ekki nauðga sér. Þessu þarf að breyta.

Við þurfum femíníska bylt­ingu. Við þurfum að grípa til rót­tækra umfangs­mik­illa aðgerða á öllum svið­um. Við þurfum fleiri femíníska flokka á Alþingi, breytum öllum þeim lög­um, stofn­un­um, aðgerða­á­ætl­un­um, verk­ferlum og fræðslu­á­ætl­unum sem þarf að breyta til að við getum í alvöru talað um sam­fé­lag fyrir fólk af öllum kynj­um. Áfram, stelp­ur,“ sagði hann að lokum og upp­skar í fram­hald­inu fögnuð þing­manna í saln­um.