Sænska tón­list­ar­veitan Spotify opin­ber­aði í dag upp­lýs­ingar um fjölda not­enda þjón­ust­unn­ar. Þeir eru orðnir 75 millj­ónir tals­ins og hefur fjölgað um 15 millj­ónir frá því fyr­ir­tækið til­kynnti síð­ast um not­enda­fjölda. Það var í jan­úar á þessu ári. Af 75 millj­ónum not­enda greiða um 20 millj­ónir mán­að­ar­legt gjald. Not­endur geta valið um greiða mán­að­ar­lega tíu doll­ara gjald gegn því að losna við aug­lýs­ingar á milli laga.

Vöxtur Spotify hefur verið hrað­ur. Í lok maí 2014 voru virkir not­endur 40 millj­ónir tals­ins og þar af greiddu tíu millj­ónir not­enda fyrir þjón­ust­una. Fjöldi þeirra sem greiða mán­að­ar­lega hefur í dag meira en tvö­faldast, að því er fyr­ir­tækið greinir frá á vef­svæði sínu í dag. Fjöld­inn jafn­gildir því að einn nýr not­andi skráir sig á Spotify á þriggja sek­úndna fresti að með­al­tali.

Spotify greinir einnig frá því að um 3 millj­arðar doll­ara hafi á síð­ustu fimm árum verið greiddir í höf­und­ar­laun. Það eru nærri 400 millj­arðar króna miðað við gengi krón­unnar í dag.

Þús­und millj­arða virði

Erlendir fjöl­miðl­ar, frétta­stofa Bloomberg þeirra á meðal, hafa í dag greint frá nýju verð­mati á Spoti­fy. Sænska sím­fyr­ir­tækið Teli­a­Sonera eign­að­ist í dag 1,4 pró­senta hlut í Spotify og greiddi fyrir hlut­inn um 115 millj­ónir doll­ara. Sam­kvæmt þessum við­skiptum er virði Spotify nú um 8 millj­arðar Banda­ríkja­doll­ar­ar, eða jafn­virði ríf­lega þús­und millj­arða króna.

Spotify vinnur nú að kappi við að fjölga not­endum og safna nýju hluta­fé, áður en ný  tón­list­ar­veita App­le, sem kall­ast ein­fald­lega Apple Music, verður opnuð fyrir not­end­um. Báðar tón­list­ar­veit­urnar veita aðgang að meira en 30 millj­ónum laga fyrir tæpa tíu doll­ara á mán­uði. Þjón­usta Apple fer í loftið 30. júní næst­kom­andi og er mesta sam­keppni sem Spotify hefur staðið frammi fyrir á þessum mark­aði.