Per­sónu­upp­lýs­ing­ar um helstu þjóð­ar­leið­toga heims­ins voru fyrir mis­tök birt af útlend­inga­yf­ir­völdum í Ástr­alíu í tengslum við G20 fund sem var hald­inn í Bris­bane í Ástr­alíu í nóv­em­ber í fyrra. Áströlsk yfir­völd greindu þjóð­ar­leið­tog­unum ekki frá þessu. Guar­dian segir frá mál­inu í morg­un.

Vega­bréfs­núm­er, vega­bréfs­á­rit­anir og ýmsar aðrar per­sónu­grein­an­legar upp­lýs­ingar um alla leið­tog­ana voru sendar fyrir mis­tök til skipu­leggj­enda Asíu­bik­ars­ins í knatt­spyrnu. Það var starfs­maður í útlend­inga­eft­ir­liti sem það gerði.

Barack Obama Banda­ríkja­for­seti, Vla­dimír Pútín Rúss­lands­for­seti, Ang­ela Merkel Þýska­landskansl­ari og David Camer­son, for­sæt­is­ráð­herra Bret­lands, voru á meðal þeirra sem lentu í þessu ásamt Xi Jin­p­ing, for­seta Kína, Nar­endra Modi, for­sæt­is­ráð­herra Ind­lands, Shinzo Abe, for­sæt­is­ráð­herra Jap­ans, og Joko Widodo, for­seta Indónesíu, svo dæmi séu tek­in.

Guar­dian hefur undir höndum tölvu­póst sem sendur var til að láta vita af upp­lýs­inga­lek­an­um. Þar kemur fram að um mann­leg mis­tök hafi verið að ræða, ekki hafi verið gætt að því að Microsoft Out­look póst­forritið fylli sjálf­krafa út póst­föng þegar byrjað er að skrifa hvert tölvu­póstur eigi að fara. Þess vegna hafi tölvu­póst­ur­inn farið annað en hann átti að fara. Þá kemur fram að við­tak­endur pósts­ins hjá Asíu­bik­arnum hafi eytt honum og ekki áfram­sent neitt, og ekki sé talið að upp­lýs­ing­arnar hafi kom­ist í hendur ann­arra.

Málið hefur vakið mikla athygli í Ástr­al­íu, ekki síst vegna þess að það voru útlend­inga­yf­ir­völd í Ástr­alíu sem báru ábyrgð á stærsta upp­lýs­inga­leka frá stjórn­valdi í sögu lands­ins. Það var í febr­úar í fyrra, þegar per­sónu­upp­lýs­ingar um tæp­lega tíu þús­und manns voru settar á vef­síðu útlend­inga­eft­ir­lits­ins. Fólkið var allt í haldi yfir­valda, margir voru hæl­is­leit­end­ur.

Stjórn­ar­and­staðan í Ástr­alíu hefur krafið Tony Abbot for­sæt­is­ráð­herra svara um það hvers vegna þjóð­ar­leið­tog­arnir voru ekki látnir vita af mál­inu. Þá þykir málið vand­ræða­legt fyrir stjórn­völd þar sem í síð­ustu viku voru umdeild lög um gagna­geymslu sam­þykkt, en lögin skylda síma­fyr­ir­tæki til að geyma ákveðnar síma- og net­upp­lýs­ingar í tvö ár. „Það var aðeins í síð­ustu viku sem rík­is­stjórnin kall­aði eftir því að almenn­ingur í Ástr­alíu treysti þeim fyrir net­gögn­um, og nú komumst við að því að hún greindi frá upp­lýs­ingum um leið­toga heims­ins,“ sagði þing­mað­ur­inn Sarah Han­son-Young.