Rík­is­stjórnin sam­þykkti á fundi sínum fyrir hádegi að aflétta hluta af sótt­varna­tak­mörk­unum sem ekki áttu að taka gildi fyrr en 24. febr­ú­ar, í öðru skrefi aflétt­ing­ar­á­ætl­unar stjórn­valda vegna COVID-19. „Ef ekk­ert óvænt ger­ist þá getum við aflétt öllu í lok mán­að­ar," sagði Willum Þór Þórs­son heil­brigð­is­ráð­herra að loknum rík­is­stjórn­ar­fundi. Meðal helstu breyt­inga er að 200 manns verður heim­ilt að koma saman í stað 50 og sótt­kví og skóla­reglu­gerð fellur úr gildi.

Reglur um sótt­kví falla úr gildi í dag og eru því munu 9.712 manns sem skráð eru í sótt­kví þessa stund­ina losna þegar reglu­gerðin birt­ist í Stjórn­ar­tíð­indum síðar í dag. Þeir sem þegar eru í sótt­kví þurfa því ekki að mæta í sýna­töku til að losna og á það einnig við um þá sem áttu að fara í sýna­töku í dag. Þeim sem hafa verið útsettir fyrir smiti verður ekki lengur skylt að sæta smit­gát þótt hvatt sé til hennar og þar með fellur jafn­framt brott skylda til sýna­töku í lok smit­gát­ar.

Á mið­nætti verður skóla­reglu­gerð afnumin og verða því engar tak­mark­anir á skóla­haldi í grunn- og fram­halds­skól­um. Þannig verða skóla­skemmt­anir heim­ilar á ný.

Aflétt­ing­ar­á­ætlun stjórn­valda sem kynnt var fyrir tveimur vikum er í þremur skref­um. Sam­kvæmt henni á næsta skref að taka gildi 24. febr­úar en nú er ljóst að hluti þeirra tak­mark­ana sem átti að aflétta þá verður aflétt á mið­nætti.

­Nið­ur­fell­ing á reglum um ein­angrun og sótt­kví er meðal þess sem á að taka gildi í næsta skrefi aflétt­ing­ar­á­ætl­un­ar­innar en heil­brigð­is­ráð­herra og Þórólfur Guðna­son sótt­varna­læknir sögðu í fréttum í gær að ekki þætti tíma­bært að afnema ein­angr­un. Sótt­kví hefur hins vegar verið afnum­in.

Í reglu­gerð­inni er sund- og lík­ams­rækt­ar­stöðv­um, sem og skíða­svæð­um, heim­ilt að taka á móti gestum með fullum afköst­um.

Afgreiðslu­tími staða með vín­veit­inga­leyfi verður lengdur um eina klukku­stund, það er að heim­ilt er að taka á móti gestum til mið­nættis en allir þurfa að hafa yfir­gefið stað­inn klukkan eitt.

Smitum hefur farið fjölg­andi í vik­unni. Á mið­viku­dag var enn eitt metið sett þega 2.252 smit greindust dag­inn áður. Á sama tíma hefur inn­lögnum á Land­spít­ala ekki fjölg­að. 32 eru á spít­ala sem stendur með COVID-19. Karl­maður á níræð­is­aldri með Covid-19 lést á leg­u­­deild á spít­al­anum í gær.

Reglu­gerðin sem tekur gildi á mið­nætti gildir í tvær vik­ur, eða til og með 25. febr­ú­ar. Annað skref aflétt­ing­ar­á­ætl­unar stjórn­valda á að taka gildi þann 24. febr­úar en allar tak­mark­anir eiga að falla úr gildi 14. mars. Það gæti þó breyst ef marka má orð heil­brigð­is­ráð­herra og öllum tak­mörk­unum verði aflétt í lok febr­ú­ar.