Halli af rekstri Hafn­ar­fjarð­ar­kaup­staðar var 389 millj­ónir króna á fyrstu sex mán­uðum árs­ins. Áætl­anir bæj­ar­ins gerðu ráð fyrir um 80 millj­óna króna tap­rekstri. Frá­vikið er sagt vera vegna ófyr­ir­sjá­an­legrar end­ur­greiðslu á eft­irá­greiddu útsvari að fjár­hæð um 400 millj­ónir króna. Aðrar tekjur voru yfir áætlun vegna sölu­hagn­aðar hluta­bréfa í HS Veit­um. Rekstur mála­flokka var í takt við áætl­an­ir, segir í til­kynn­ingu frá Hafn­ar­fjarð­ar­kaup­stað vegna birt­ingar árs­hluta­upp­gjörs.

Sjálf­stæð­is­flokkur og Björt fram­tíð mynda ­meiri­hluta í bæj­ar­stjórn Hafn­ar­fjarð­ar. Bæj­ar­stjóri er Har­aldur L. Har­alds­son.

Í til­kynn­ingu bæj­ar­ins segir að erfitt verði að ná áætlun árs­ins um jákvæða rekstr­ar­af­komu. „Vegna ofan­greinds frá­viks og fyr­ir­sjá­an­legra áhrifa af breyttu starfs­mati, sem mun hafa í för með sér útgjalda­aukn­ingu að and­virði um 200 millj­óna króna, er ljóst að erfitt verður að ná áætl­unum árs­ins um jákvæða rekstr­ar­af­komu að fjár­hæð 219 millj­ónir króna.

Hafn­ar­fjarð­ar­kaup­staður mun leggja ríka áherslu á aðhald í rekstri og eins og fram hefur komið í til­kynn­ingum er verið að vinna að umbót­ar­á­ætlun til að bæta rekst­ur­inn en áhrifa hennar mun ekki gæta nema að óveru­legu leyti á árinu 2015,“ segir í til­kynn­ing­unni.

Eignir Hafn­ar­fjarð­ar­kaup­staðar nema um 37,8 millj­örðum króna og eignir A og B hluta nema sam­tals um 48 millj­örðum króna. Skuldir nema um 34 millj­örðum og með B hluta nema þær um 40 millj­örðum króna.

Í nýlegri skýrslu Íslands­banka um fjár­mál íslenskra sveit­ar­fé­laga var Hafn­ar­fjarð­ar­kaup­staður eitt þeirra sveit­ar­fé­laga sem búa við hvað versta fjár­hags­stöðu.