Þór­dís Kol­brún R. Gylfa­dótt­ir, ferða­mála- iðn­að­ar- og nýsköp­un­ar­ráð­herra og vara­for­maður Sjálf­stæð­is­flokks­ins, mun leiða lista flokks­ins í Norð­vest­ur­kjör­dæmi í kom­andi kosn­ing­um. Þór­dís Kol­brún hlaut alls 1.347 atkvæði í 1. sæt­ið. Alls greiddu 2.289 atkvæði í próf­kjör­inu og voru gild atkvæði 2.232 tals­ins.

Kosn­ingin í fyrsta sæti var nokkuð afger­andi en bar­áttan um odd­vita­sætið stóð á milli Þór­dísar Kol­brúnar og Har­aldar Bene­dikts­sonar sem leiddi lista flokks­ins í kjör­dæm­inu í síð­ustu kosn­ing­um. Har­aldur hlaut alls 786 atkvæði í fyrsta sæt­ið. Har­aldur end­aði í öðru sæti í próf­kjör­inu með sam­tals 1.061 atkvæði í 1.-2. sæti.

Odd­vita­slagur með sanni

Nokkur titr­ingur hefur verið í kringum próf­kjörs­bar­áttu odd­vit­ans og vara­for­manns­ins. Til að mynda ákvað Hall­dór Jóns­son að segja sig frá for­manns­stöðu í kjör­dæm­is­ráði flokks­ins eftir að Þór­dís Kol­brún ákvað að fara gegn Har­aldi og sækj­ast eftir odd­vita­sæt­inu. Hall­dór skrif­aði bréf til for­ystu flokks­ins þar sem sagði meðal ann­ars að Þór­­dís Kol­brún hefði að hans mati ekki sett fram ríkar mál­efna­­legar ástæður fyrir því að skora odd­vita flokks­ins í kjör­­dæm­inu á hólm en um málið var fjallað í Skessu­horni.

Har­aldur sagði í vik­unni í við­tali við Bæj­ar­ins besta að hann hygð­ist ekki taka annað sæti á lista, fari það svo að hann tap­aði í bar­átt­unni um odd­vita­sæt­ið. Þessir úrslita­kostir féllu í grýttan jarð­veg hjá sam­flokks­konum Har­ald­ar, þeim var líkt við hót­anir í garð sam­flokks­fólks í kjör­dæm­inu og Har­aldur auk þess sagður frek­ur, líkt og fjallað er um í umfjöllun Vísis. En nið­ur­staðan er annað sætið fyrir Har­ald og því er allt útlit fyrir að hann muni ekki setj­ast á þing eftir kom­andi kosn­ing­ar.

Teitur Björn gæti verið á leið á þing á ný

Í þriðja sæti var Teitur Björn Ein­ars­son með alls 1.190 atkvæði í 1.-3. sæti. Sjálf­stæð­is­flokk­ur­inn hefur í dag tvo kjör­dæma­kjörna þing­menn í Norð­vest­ur­kjör­dæmi og ef Teitur Björn hoppar upp í annað sætið í stað Har­aldar gæti hann því verið á leið á þing á ný. Teitur sat á þingi fyrir Sjálf­stæð­is­flokk­inn árin 2016 til 2017. Á kjör­tíma­bil­inu sem senn fer að ljúka hefur Teitur Björn verið vara­þing­maður flokks­ins. Áður hafði hann meðal ann­ars starfað sem aðstoð­ar­maður fjár­mála- og efna­hags­ráð­herra, árin 2014 til 2016, í ráð­herra­tíð Bjarna Bene­dikts­son­ar.

Sig­ríður Elín Sig­urð­ar­dóttir end­aði í fjórða sæti í próf­kjör­inu með alls 879 atkvæði í 1.-4. sæti. Sig­ríður er 21 árs sjúkra­flutn­inga­kona og nemi, búsett á Akra­nesi.