Rúm­lega 32 þús­und flótta­menn munu flytj­ast frá Ítalíu og Grikk­landi til ann­arra Evr­ópu­ríkja, sam­kvæmt sam­komu­lagi ráð­herra Evr­ópu­sam­bands­ríkja sem náð­ist í Brus­sel í gær. Sam­kvæmt frétt Breska rík­is­út­varps­ins, BBC, munu flutn­ingar hefj­ast í októ­ber næst­kom­andi. Þar af munu íslensk stjórn­völd taka á móti fimm­tíu flótta­mönn­um. Fólkið kemur frá Sýr­landi, Eritreu, Írak og Sómal­íu. Vísir greinir frá í dag og segir að und­ir­bún­ingur sé þegar haf­inn í félags­mála­ráðu­neyt­inu.

Haft er eftir Matth­í­asi Ims­land, aðstoð­ar­manni Eyglóar Harð­ar­dóttur félags- og hús­næð­is­mála­ráð­herra, að Ísland skuld­bindi sig til að taka þátt í verk­efn­inu, með fyr­ir­vara um að það fáist fjár­magn frá Alþingi. Ísland sé eins og aðrar Schen­gen-­þjóðir að leggja sitt af mörkum til að taka á móti hópum flótta­manna og stuðli þannig að lausn á alþjóð­legu vanda­máli. „Þessi yfir­lýs­ing er mjög í anda þeirrar stefnu­mót­unar sem hefur verið í flótta­manna­ráði sem er starf­andi í ráðu­neyt­inu. Það er þannig að það hefur verið gert ráð fyrir að taka á móti allt að 25 flótta­mönnum á ári svo­leiðis að und­ir­bún­ingur er haf­inn,” segir hann í sam­tali við Vísi.

Frá árinu 2010 hafa íslensk stjórn­völd tekið á móti 39 flótta­mönn­um, eða átta á ári að með­al­tali. Flótta­manna­stofnun Sam­ein­uðu þjóð­anna hefur kallað eftir því að íslensk stjórn­völd taki á móti fleirum, segir í frétt Vís­is.

Evr­ópu­löndin ætl­uðu að taka við fleira fólki strax

Upp­haf­lega stóð til að um 40 þús­und flótta­menn myndu flytj­ast frá Grikk­landi og Ítalíu til ann­arra ríkja Evr­ópu­sam­bands­ins. Í gær varð hins vegar ljóst að 32 þús­und manns flytj­ast ann­að, frá og með októ­ber næst­kom­andi. Ákvörðun um frek­ari flutn­inga á 8000 manns til við­bótar verður tekin fyr­ir­ ­lok árs, sam­kvæmt frétt BBC.

Talið er að um 150 þús­und manns hafi flúið heima­lönd sín, vegna stríðs­á­stands og fátækt­ar, og leitað til Evr­ópu­ríkja á þessu ári. Það er 150 pró­sent aukn­ing frá árinu 2014. Stærstur hluti þess­ara flótta­manna hefur farið til Grikk­lands og Ítal­íu. Flótta­manna­búðir í lönd­unum tveimur eru yfir­fullar og köll­uðu löndin því eftir aðstoð ann­arra ríkja ESB. Fram­kvæmda­stjórn Evr­ópu­sam­bands­ins tók ákvörðun um að 40 þús­und flótta­menn yrðu fluttir til ann­arra Evr­ópu­ríkja í kjöl­far hræði­legs slyss í apr­íl, þegar fleiri en 800 ein­stak­lingar drukkn­uðu undan ströndum Líbíu á hættu­legri leið yfir Mið­jarð­ar­hafið til Evr­ópu.