Katrín Jak­obs­dóttir for­sæt­is­ráð­herra segir stefnu­breyt­ingu hafa orðið í bar­átt­unni við kór­ónu­veiru­far­ald­ur­inn í dag þegar aflétt­ing­ar­á­ætlun stjón­valda var kynnt. Í stað þess að styðj­ast við aðferða­fræði temprunar líkt og gert hefur verið síð­ustu tvö ár er stefnan að opna sam­fé­lag­ið. „Sem er auð­vitað búið að vera loka­mark­miðið allan tím­ann,“ sagði Katrín í blaða­manna­fundi rík­is­stjórn­ar­innar í Safna­hús­inu í dag.

Við­horf for­sæt­is­ráð­herra frá því síð­asta haust hefur greini­lega breyst en í kosn­inga­prófi RÚV síð­asta haust tók Katrín ekki vel undir þá full­yrð­ingu að leyfa ætti kór­ónu­veirunni að ganga án sótt­varna­tak­mark­ana. Á sama tíma hefur staða far­ald­urs­ins breyst en ein af megin rökum sótt­varna­læknis við að hefja aflétt­ing­ar­á­ætlun er að þó svo að ómíkron-af­brigði kór­ónu­veirunnar sé mun meira smit­andi en önnur afbrigði er minna um alvar­leg veik­indi.

Katrín kvaðst vera 15 pró­sent sam­mála full­yrð­ing­unni síð­asta haust. Ef svör allra ráð­herra eru borin saman má merkja greini­legan mun á afstöðu þáver­andi og núver­andi heil­brigð­is­ráð­herra. Svan­dís Svav­ars­dótt­ir, heil­brigð­is­ráð­herra í síð­ustu rík­is­stjórn, var algjör­lega ósam­mála full­yrð­ing­unni um að leyfa ætti veirunni að ganga án sótt­varna­tak­markanna en Willum Þór Þórs­son, núver­andi heil­brigð­is­ráð­herra, var 89 pró­sent sam­mála full­yrð­ing­unni.

Svör ráð­herr­anna við full­yrð­ing­unni „Það á að leyfa kór­ónu­veirunni að ganga án sótt­varna­tak­markana“, þar sem miðað er við skal­ann 0-100 þar sem 0 er ósam­mála en 100 sam­mála, voru eft­ir­far­andi:

• Willum Þór Þórs­son: 89%
• Áslaug Arna Sig­ur­björns­dótt­ir: 100%
• Katrínt Jak­obs­dótt­ir: 15%
• Þór­dís Kol­brún Reyk­fjörð Gylfa­dótt­ir: 63%
• Guð­laugur Þór Þórð­ar­son: 72%
• Guð­mundur Ingi Guð­brands­son: 0%
• Svan­dís Svav­ars­dótt­ir: 0%
• Sig­urður Ingi Jóhanns­son: 14%
• Lilja Alfreðs­dótt­ir: 66%
• Ásmundur Einar Daða­son: 29%

Hvorki Bjarni Bene­dikts­son né Jón Gunn­ars­son, þing­menn Sjálf­stæð­is­dlokks­ins og ráð­herrar í núver­andi rík­is­stjórn, svör­uðu kosn­inga­prófi RÚV í haust.

Af svör­unum að dæma gætti meira samæmis í svörum ráð­herra Vinstri grænna en hinna rík­is­stjórn­ar­flokk­anna tveggja. Áslaug Arna, þáver­andi dóms­mála­ráð­herra, var hlynnt­ust full­yrð­ing­unni um að láta veiruna ganga án sótt­varna­tak­markanna en Guð­mundur Ingi og Svan­dís alfarið ósam­mála full­yrð­ing­unni. Næst á eftir þeim kom Sig­urður Ingi og þar á eftir for­sæt­is­ráð­herra.

Hvað sem því líður er stað­reyndin sú að aflétt­ing­ar­á­ætlun stjórn­valda hefst á mið­nætti og ef allt gengur að óskum verða allar sótt­varna­tak­mark­anir afléttar 14. mars, rúmum tveimur árum eftir að far­ald­ur­inn braust fyrst út.