Umfjöll­un­ar­efni vik­unnar að þessu sinni er Werder Bremen sem spilar í efstu deild í Þýska­landi. Þeir Þor­geir og Þór­hallur taka stöð­una á gengi liðs­ins sem hefur verið væg­ast sagt lélegt síð­ustu ár eftir að hafa verið einn besti klúbbur Evr­ópu í byrjun ald­ar­inn­ar. Werder Brem­en, sem eru nefndir eftir ánni Weser í norð­vestur Þýska­landi, eru kóng­arnir í norðr­inu ásamt Hamburger SV en bæði lið eiga í hættu á að falla um deild á þessu tíma­bili.

Fjallað er um sögu liðs­ins en aðal­lega tvo þjálf­ara sem eiga gríð­ar­lega stóran þátt í vel­gengi Bremen síð­ustu ára­tugi. Otto Reha­gel þjálf­aði liðið í fjórtán ár en tók við þeim árið 1981. Hann náði að breyta miðl­ungs­liði í eitt besta lið Þýska­lands á 9. ára­tugnum og byrjun þess 10. Bremen voru nán­ast alltaf í topp­bar­áttu undir hans stjórn en Þjóð­verj­inn er þekktur fyrir agaðan varn­ar­leik eins og sást þegar Grikkir unnu EM 2004 undir hans stjórn. Kall­aður Otto ll útaf hann end­aði svo oft í öðru sæti, vann deild­ina tvisvar með Die Werderaner ásamt fleiri bik­ur­um. Thomas Schaaf er hinn þjálf­ar­inn sem sparkvarpið fjallar um en hann tók við Bremen árið 1999. Hann afrek­aði það að vera 40 ár sam­fleytt hjá klúbbnum sem leik­maður og þjálf­ari. Undir hans stjórn var liðið eitt það skemmti­leg­asta í evr­ópu, ólíkt for­vera hans Otto spil­uðu Bremen aggresí­van sókn­ar­bolta undir Schaaf. Hann vann deild­ina árið 2004 og þjálf­aði liðið í 14 ár áður en hann hætti eftir slæmt gengi árið 2013. 

Þrátt fyrir slæmt gengi síð­ustu ár er ennþá líf í klúbbn­um, margir fyrrum leik­menn vinna í kringum klúbb­inn og nýr þjálf­ari tók við þeim síð­ast­lið­inn októ­ber en hann heitir Florian Kohfeldt. Farið var yfir fram­tíð klúbbs­ins, frá­bæra leik­menn sem hafa spilað fyrir lið­ið, költ leik­menn og óvenju­legan ríg þeirra við Schalke 04. Eitt er víst, róm­an­tíkin er ennþá til staðar hjá þeim grænu og fyrrum app­el­sínu­gulu.