Falskar fréttir á sam­fé­lags­miðlum og dreif­ing þeirra í lok­uðum hópum eru taldar hafa haft áhrif á úrslit í for­seta­kosn­ing­unum í Banda­ríkj­un­um. Hin hefð­bundnu póli­tísku skila­boð virð­ast ekki ná eyrum almenn­ings með sama hætti og fyrir öld sam­fé­lags­miðla og inter­nets­ins.

Tækni­varpið ræðir falskar frétt­ir, sann­leik og með­höndlun sam­fé­lags­miðla og inter­nets­ins á fréttum og umræð­um. Gestir þátt­ar­ins eru Hjalti Harð­ar­son, fram­kvæmda­stjóri Kjarn­ans, og Birgir Þór Harð­ar­son, fram­leiðslu­stjóri Kjarn­ans. Umsjón­ar­menn þátt­ar­ins eru Gunn­laugur Reynir Sverr­is­son og Atli Stefán Yngva­son.

Fyrir flesta fjöl­miðla sem leggja áherslu á umfjöllun og frétta­flutn­ing á vefnum eru sam­fé­lags­miðlar helsta dreifi­leið­in. Fyrir hvern fjöl­miðil eru í reynd aðeins fáeinar dreifi­leiðir í boði; það er af sem áður var þegar fjöl­miðlar áttu dreifi­leið­irnar að mestu sjálfir og gátu auð­veld­lega talað við eins­leitan og breiðan áheyr­enda­hóp. Eðli sam­fé­lags­miðla og inter­nets­ins hefur sundrað þessum sam­leita hópi.