Mitt í rús­sí­ban­areið­inni í íslenskum stjórn­mál­um, sem erfitt er að sjá fyrir hvernig mun enda, þá ber­ast mik­il­vægar fréttir frá útlönd­um. ­Stjórn­völd yfir 120 ríkja hafa þegar lýst því yfir að þau hygg­ist und­ir­rita lofts­slags­samn­ing Sam­ein­uðu þjóð­anna, sem sam­þykktur var í París í haust. Ségolène Royal, utan­rík­is­ráð­herra Frakk­lands, upp­lýsir þetta. Þessi mikli stuðn­ingur er sagður auka á lík­urnar á því að samn­ing­ur­inn verði stað­festur í New York þann 22. apríl og þar með bind­andi.

Til að þetta megi verða þurfa minnst 55 lönd, sem ábyrg eru fyrir minnst 55% af losun gróð­ur­húsa­loft­teg­unda í heim­in­um, að und­ir­rita samn­ing­inn. Tak­mark­inu um fjölda ríkja er aug­ljós­lega þegar náð og öruggt má heita að hinu skil­yrð­inu sé einnig full­nægt. Þannig hafa hvor tveggja Banda­ríkin og Kína, þau tvö lönd sem mest losa af gróð­ur­húsa­loft­teg­und­um, heitið því að und­ir­rita samn­ing­inn, Evr­ópu­sam­bandið hefur skuld­bundið sig til hins sama, Ind­verjar einnig og nokk­urn­veg­inn allar Afr­íku­þjóð­ir, að sögn Royal. 



Þessar skuld­bind­ingar ríkja heims­ins gætu haft víð­tæk áhrif á gang efna­hags­mála, og einnig sett þrýst­ing á tækni- og orku­fyr­ir­tæki, um að leita lausna á þeim miklum vanda­málum sem þarf að takast á við, svo mögu­legt verði að draga úr meng­un.