Eddu­verð­launin voru veitt í gær við mikla við­höfn í Hörp­u­nni. Mikið hefur verið lagt upp úr því að glam­úr­væða hátíð­ina und­an­farin ár og færra þotu­liðs­fólk komst að en vildi. Hátíðin þótt ákaf­lega vel heppnuð að þessu sinni þótt vissu­lega heyr­ist alltaf raddir um að sam­fé­lag sem fram­leiði jafn fáar bíó­myndir og sjón­varps­þætti og það íslenska beri illa að halda jafn umfangs­mikla hátíð á hverju ári, enda er þorri alls efnis sem er fram­leitt til­nefnt.

Sjón­varpað var frá við­burð­inum á Stöð 2 og hitað upp með beinni útsend­ingu frá rauða dregl­in­um, líkt og tíðkast á stór­há­tíðum út í heimi. Þetta var líka gert í fyrra og þá var sér­stak­lega verið að velta fyrir sér fatn­aði fræga fólks­ins sem mætti á hátíð­ina, með frekar kjána­legri útkomu. Íslensku stjörn­u­rnar eru nefni­lega flestar venju­legt fólk með venju­leg laun og hafa ekki efni á hönn­un­ar­kjólum heldur versla í versl­un­ar­mið­stöðvum eins og restin af þjóð­inni.

Í bak­her­berg­inu hafa menn hrósað Stöð 2 fyrir góða fram­kvæmd á útsend­ing­unni. Hátíðin þótti skemmti­leg og vel útfærð. Það vakti hins vegar athygli að Stöð 2, sem er lang stærsta einka­rekna sjón­varps­stöð lands­ins, vann ekki ein ein­ustu verð­laun. Mörg af helstu flagg­skipum stöðv­ar­innar voru til­nefnd (Ís­land got talent, Gulli ­byggir sería 3, Logi í beinni osfr.) en ekk­ert þeirra hlaut náð fyrir augum aka­dem­í­unn­ar. Eina verkið með teng­ingu við Stöð 2 sem vann til verð­launa var heim­ild­ar­myndin Högg­ið, sem var sýnd á stöð­inni í jan­ú­ar.

Slíka náð hlut­u ­sjón­varps­þættir og –fólk helsta sam­keppn­is­að­ila Stöðvar 2 hins veg­ar. RÚV, undir stjórn fyrrum sjón­varps­stjóra Stöðvar 2, Skarp­héð­ins Guð­munds­son­ar, vann nán­ast allt sem stöðin gat unn­ið. Ævar vís­inda­maður vann sem besta barna- og ung­linga­efni árs­ins, Land­inn sem frétta- eða við­tals­þáttur árs­ins, Hraunið sem leikið sjón­varps­efni árs­ins, Hæpið sem lífstíls­þáttur árs­ins, Vest­ur­farar sem menn­ing­ar­þáttur árs­ins, Orð­bragð sem skemmti­þáttur árs­ins og Brynja Þor­geirs­dóttir frá RÚV var valin sjón­varps­maður árs­ins. Til að bæta gráu ofan á svart fékk RÚV-­ar­inn Ómar Ragn­ars­son heið­ursverð­laun Edd­unnar þetta árið.

Í bak­her­berg­inu hafa menn því haft á orði að Stöð 2 hafi í raun verið að sýna frá, og borgað fyr­ir, íburð­ar­mikla upp­skeru­há­tíð RÚV í gær­kvöldi. Slíkur rausn­ar­skapur er fátíður í hörðu sam­keppn­isum­hverfi ljós­vaka­fjöl­miðl­anna.