Sig­ríður Bene­dikts­dótt­ir, fram­kvæmda­stjóri fjár­mála­stöð­ug­leika Seðla­banka Íslands, segir að þær aðstæður sem nú eru uppi í efna­hags­málum Íslands séu um margt „kjörað­stæð­ur“ fyrir losun fjár­magns­hafta. Þetta kom fram á fundi í Seðla­banka Íslands í morgun þar sem nýjasta útgáfa Fjár­mála­stöð­ug­leika var kynnt. „Það er heldur ekki víst að þessar aðstæður vari að eilífu,“ sagði Sig­ríð­ur. Verð­bólga hefur farið lækk­andi und­an­farin miss­eri og mælist nú 1,8 pró­sent á árs­grund­velli, en verð­bólgu­mark­miðið lögum sam­kvæmt er 2,5 pró­sent. Þessar stöðugt betri ytri aðstæður í hag­kerf­inu hjálp­uðu til við að skapa aðstæður til að losa um höft.

Í rit­inu kemur þó fram að mesti áhættu­þátt­ur­inn geti verið sá að van­traust verði við­var­andi á los­un­ar­ferl­inu sem geti leitt til útflæðis á pen­ingum úr kerf­inu, með til­heyr­andi geng­is­sigi og verð­bólgu­á­hrif­um.

Í rit­inu kemur fram að staða efna­hags­mála hafi haldið áfram að styrkjast, heilt á lit­ið, á þessu ári. „Efna­hags­á­stand er að mörgu leyti gott um þessar mund­ir. Hag­vöxtur þessi miss­erin er með því mesta sem ger­ist á meðal þró­aðra ríkja og slak­inn í þjóð­ar­bú­skapnum er óðum að hverfa,“ segir Már Guð­munds­son seðla­banka­stjóri, í upp­hafi inn­gangs í rit­inu. Þó sé fyrir hendi greiðslu­jafn­að­ar­vandi í þjóð­ar­bú­inu sem þurfi að leysa, og að því sé unnið þessi miss­er­in. Þar á meðal er að lengja í skulda­bréfi Lands­bank­ans gagn­vart þrota­búi gamla bank­ans, og taka á málum slita­búa föllnu bank­anna þriggja með þeim hætti að það ógni ekki fjár­mála­stöð­ug­leika lands­ins, einkum gengi krón­unn­ar.

Í kynn­ingu sinni sagði Sig­ríður að við­skipta­bank­arnir á Íslandi stæðu traustum fót­um, væru vel fjár­magn­aðir og með skýr­ari rekstr­ar­grunn en und­an­farin ár. Þó bæri enn á því að upp­gjör lit­uð­ust af ýmsum tíma­bundnum breyt­ingum á efna­hagn­um, s.s. upp­færslu á eignum og öðrum óreglu­legum lið­um.

Í Fjár­mála­stöð­ug­leika kemur fram að heildar eigið fé við­skipta­bank­anna þriggja, Íslands­banka, Arion banka og Lands­bank­ans, hafi numið 568 millj­örðum króna um mitt þetta ár. Eig­in­fjár­hlut­fall bank­anna er auk þess hátt í alþjóð­legum sam­an­burði.