Aðilar vinnu­mark­að­ar­ins ræða nú um að gera kjara­samn­ing til lengri tíma en áður stóð til, jafn­vel allt að þriggja ára. Í slíkum samn­ingi yrði gert að aðal­at­riði að hann myndi skila raun­veru­legri kaup­mátt­ar­aukn­ingu og að kjör lægstu tekju­hópanna myndu hækka meira en ann­arra. Til stendur að kynna samn­ings­drög fyrir stóru samn­ings­nefndum þeirra stétt­ar­fé­laga sem að samn­ingnum koma síð­degis í dag eða í kvöld. Frá þessu er greint í Morg­un­blað­inu.

Til­kynnt var nokkuð skyndi­lega í gær að að for­svars­menn samn­inga­nefnda VR, LÍV, Flóa­banda­lags­ins, Stétt­Vest og Sam­taka atvinnu­lífs­ins (SA) hefðu náð sam­komu­lagi um að fresta verk­falls­að­gerðum sem áttu að hefj­ast næsta fimmtu­dag, þann 28. maí. Aðgerð­unum var frestað um fimm sól­ar­hringa.

Í til­kynn­ingu sem VR sendi frá sér vegna þessa sagði: „Ekki verður upp­lýst um ein­staka efn­is­þætti við­ræðna aðila fyrr en gengið hefur verið frá drögum að samn­ingi sem lagðar verði fyrir samn­inga­nefndir félag­anna. Stefnt er að því að nið­ur­staða liggi fyrir eigi síðar en 28. maí næst­kom­and­i.“

Sam­komu­lagið um frestun var afleið­ing þriggja sól­ar­hringa samn­inga­lotu um og fyrir hvíta­sunnu­helg­ina.

Verri staða á opin­bera mark­að­inum

Staðan í við­ræðum rík­is­ins við opin­bera starfs­menn er hins vegar ekki jafn góð. For­svars­menn BHM efuð­ust um helg­ina um samn­ings­um­boð við­mæl­enda sinna eftir að Sig­mundur Davíð Gunn­laugs­son for­sæt­is­ráð­herra lét hafa eftir sér í fréttum Stöðvar 2 um helg­ina að ríkið væri ekki í aðstöðu til að byrja að semja yrr en það sæi í hvað stefndi á almenna vinnu­mark­aðn­um. Sig­mundur Davíð sagði einnig að til greina kæmi að hækka skatta ef kom­andi kjara­samn­ingar fælu í sér launa­hækk­anir sem myndu ógna efna­hags­legum stöð­ug­leika. Að lokum sagði Sig­mundur Davíð að stjórn­völd myndu hugs­an­lega grípa inn í verk­fall heil­brigð­is­starfs­manna með laga­setn­ingu ef lífi fólks væri stefnt í hætt.

Morg­un­blaðið greinir frá því í morgun að allt útlit sé fyrir að alls­herj­ar­verk­fall hjúkr­un­ar­fræð­inga hefj­ist á mið­nætti. Af 1.600 stöðu­gildum hjúkr­un­ar­fræð­inga hjá rík­inu eru 500 á und­an­þágu­lista og því fara 1.100 stöðu­gildi í verk­fall. Hvíta­sunnu­helgin var notuð til að und­ir­búa aðgerð­irn­ar, t.d. með því að rýma sjúkra­rúm og senda sjúk­linga sem ekki voru bráð­veikir heim.