Nið­ur­staða atkvæða­greiðslu um nýjan kjara­samn­ing hjúkr­un­ar­fræð­inga kom þeim Bjarna Bene­diktsyni, fjár­mála­ráð­herra, og Krist­jáni Þór Júl­í­us­syni, heil­brigð­is­ráð­herra, ekki á óvart. Bjarni telur jafn­fram­t ekki standa lengur til boða að setj­ast að samn­inga­borð­inu.

Hjúkr­un­ar­fræð­ingar höfn­uðu nýgerðum kjara­samn­ingi félags­ins með 88,4 pró­sent atkvæða í atkvæða­greiðslu sem lauk á hádegi í dag. Stjórn Félags íslenskra hjúkr­un­ar­fræð­inga lítur svo á að samn­ingar félags­ins við ríkið séu nú lausir og félagið mun fela lög­manni sínum að meta rétt­ar­stöðu félags­ins gagn­vart rík­inu.

Í sam­tali við mbl.is sagð­i Krist­ján Þór Júl­í­us­son við þess­ari nið­ur­stöðu hefði mátt búast „eftir umræður síð­ast­lið­inna daga“. Hann hafi einnig fengið að heyra það beint frá hjúkr­un­ar­fræð­ingum hversu óánægðir þeir væru með síð­asta til­boð rík­is­ins sem kosið var um. Bjarni tal­aði á sömu nótum; eng­inn hefði talað fyrir samn­ing­um.

Sú til­laga sem greidd voru atkvæði um var síð­asta til­boð rík­is­ins til Félags íslenskra hjúkr­un­ar­fræð­inga (FÍH) áður en lög voru sett á verk­fallið í júní. Alþing­i ­fól í kjöl­farið gerð­ar­dómi að ákvarða laun hjúkr­un­ar­fræð­inga en FÍH telur honum hafa verið snið­inn ansi þröngur stakk­ur.

Óvíst er hver næstu skref verða í kjara­deil­unni en Ólafur G. Skúla­son, for­maður Félags íslenskra hjúkr­un­ar­fræð­inga (Fí­h), sagð­i í sam­tali við Kjarn­ann í dag að það sé vilji félags­ins að setj­ast aftur að samn­inga­borð­inu. Bjarni Bene­dikts­son segir það hins vegar ekki lengur standa til boða. Gerð­ar­dómur muni halda áfram að fjalla um mál­ið.

„Mín afstaða byggir á því sem var vilji og ætlun lög­gjafans. Þetta er óskap­lega ein­falt. Það voru sett lög á verk­falls­að­gerðir og fært í hendur gerð­ar­dóms að ákveða kjörin ef ekki næð­ust samn­ing­ar. Nú liggur fyrir að ekki tók­ust samn­ingar og þá er alveg skýrt í mínum huga að málið gengur til gerð­ar­dóms,“ segir Bjarni í sam­tali við mbl.is.