Heiða Kristín Helga­dótt­ir, sem stýrði Umræð­unni, viku­legum þætti um stjórn­mál á Stöð 2, mun ekki starfa áfram hjá fyr­ir­tæk­inu. Hún seg­ist ekki ætla að taka sæti Bjartar Ólafs­dótt­ur, þing­manns Bjartrar fram­tíð­ar, að svö stöddu, en Björt er komin í fæð­ing­ar­or­lof. Heiða Kristín er vara­þing­maður henn­ar.

Aðspurð hvort hún ætli að fara aftur í stjórn­mál segir Heiða Kristín að það þurfi mikið að ger­ast hjá Bjartri fram­tíð, flokk­inum sem hún tók þátt í að stofna, til að henni finn­ist ákjós­an­legt að stíga inn á þann vett­vang á ný. „Mér finnst vandi Bjartrar fram­tíðar vera inni í Bjartri fram­tíð, hann er ekki vandi kjós­enda. Vand­inn er ekki til­kom­inn vegna þess að kjós­endur skilja ekki flokk­inn heldur er hann vandi for­manns­ins [Guð­mundar Stein­gríms­son­ar] og þeirra sem starfa í Bjartri fram­tíð.“

Heiða Kristín segir vanda Bjartrar fram­tíðar ekki til­kom­inn vegna skiln­ings­leysi kjós­enda á flokknum heldur sé hann „vandi for­manns­ins [Guð­mundar Stein­gríms­son­ar] og og þeirra sem starfa í Bjartri fram­tíð."Heiða Kristín segir að í nán­ustu fram­tíð ætli hún sér að starfa með nýstofn­uðu fyr­ir­tæki, Borg­ar­brag ehf.,  sem eig­in­maður hennar hafi nýverið sett á fót í sam­starfi við aðra og sinna stjórn­ar­setu í góð­gerð­ar­sjóðnum Best Peace Solution.

Fylgi Bjartrar fram­tíðar hefur hríð­fallið und­an­far­ið. Í könnun sem MMR birti í dag sögð­ust ein­ungis 4,4 pró­sent kjós­enda ætla að kjósa flokk­inn, sem er versta útkoma hans í mæl­ingum MMR á þessum kjör­tíma­bili. Miðað við það fylgi myndi Björt fram­tíð ekki ná inn manni í kom­andi kosn­ing­um.

Áhorf á Ísland í dag hríð­féll

Í byrjun apríl síð­ast­lið­ins var til­kynnt um breyt­ingar á Íslandi í dag. Í þeim fólst meðal ann­ars að þætt­irnir yrðu að að jafn­aði lengri en áður, eða um 40 mín­útur að lengd, og þeir gerðir í meiri sam­vinnu við frétta­stofu 365. Auk þess yrðu sér­stakir þættir um stjórn­mál, efna­hags­mál og við­skipta­líf undir hatti Íslands í dag. Þannig átti þátt­ur­inn alltaf að fjalla um mál­efni líð­andi stundar og tengj­ast betur þjóð­mála­um­ræð­unni en hann hafði gert und­an­farin ár.

Sér­staki þátt­ur­inn um stjórn­mál hét Umræð­an, var einu sinni í viku og honum var stýrt af Heiðu Krist­ínu.

Áhorf á hið nýja Ísland í dag hefur ekki staðið undir vænt­ing­um. Í lok febr­úar var með­al­á­horf á þátt­inn yfir 16 pró­sent og viku áður en breyt­ingar á honum voru inn­leiddar horfðu 14,1 pró­sent á hann. Sam­kvæmt mæl­ingum Gallup horfðu tólf pró­sent á Ísland í dag fyrstu vik­una eftir breyt­ingar og 8,8 pró­sent vik­una eftir það. Í síð­ustu viku júní­mán­aðar var áhorfið sjö pró­sent. Sam­kvæmt heim­ildum Kjarn­ans verður þátt­ur­inn stokk­aður tölu­vert upp fyrir næsta vet­ur. Á meðal þeirra sem hverfa á braut er Heiða Krist­ín, en samn­ingur hennar við 365 miðla rann út í lok júní.

Í lok febr­úar var með­al­á­horf á þátt­inn yfir 16 pró­sent og viku áður en breyt­ingar á honum voru inn­leiddar horfðu 14,1 pró­sent á hann. Sam­kvæmt mæl­ingum Gallup horfðu tólf pró­sent á Ísland í dag fyrstu vik­una eftir breyt­ingar og 8,8 pró­sent vik­una eftir það. Í síð­ustu viku júní­mán­aðar var áhorfið sjö pró­sent.

Stofn­aði Besta flokk­inn og Bjarta fram­tíð

Heiða Kristín var ráðin til 365 miðla í jan­úar síð­ast­liðnum til að stýra þætt­in­um. Mán­uði áður hafði hún til­kynnt að hún myndi hætta sem stjórn­ar­for­maður Bjartrar fram­tíðar og hætta öllum afskiptum af stjórn­mál­um.

Heiða Kristín kom að stofnun Besta flokks­ins fyrir sveita­stjórn­ar­kosn­ing­arnar 2010 og síðar Bjartrar fram­tíð­ar. Hún var um tíma aðstoð­ar­maður Jóns Gnarr borg­ar­stjóra, fram­kvæmda­stjóri borg­ar­stjórn­ar­flokks Besta flokks­ins, vara­for­maður Besta flokks­ins, stjórn­ar­for­maður og fram­kvæmda­stjóri Bjartrar fram­tíð­ar. Hún bauð sig fram fyrir hönd Bjartrar fram­tíðar í síð­ustu alþing­is­kosn­ingum en náði ekki kjöri. Hún er fyrsti vara­þing­maður flokks­ins í Reykja­vík norð­ur.