Stutt­myndin Rán eftir Ísfirð­ing­inn Fjölni Bald­urs­son, fjallar um tví­tugan strák sem býr úti á landi, Gunnar að nafni. Kærastan hans biður hann að sækja sig í vinn­una yfir í næsta þorp, hann reynir að fá lán­aða drossíu föður síns til þess að sækja hana. Faðir hans neitar honum um bíl­inn, svo hann stelur bílnum með hjálp bróður síns. Þegar hann keyrir út úr bænum tekur hann upp í bíl­inn konu að nafni Rán og þá fara hlutir að ­ger­ast sem hann hefur enga stjórn á.

Verk­efnið er núna í fjár­mögnun á Karol­ina Fund og með því að styrkja verk­efnið getur fólk tryggt sér miða á frum­sýn­ingu mynd­ar­inn­ar, eða ­mynd eftir Ómar Smára Krist­ins­son bæj­ar­lista­mann Ísa­fjarð­ar­bæj­ar. Einnig fær fólk ­mögu­leika á að rök­ræða við leik­stjóra mynd­ar­innar eftir frum­sýn­ingu henn­ar. Svo er það rús­ínan í pylsu­end­an­um! Þú getur valið end­inn á mynd­ina ... ­Myndin verður tekin upp í maí­mán­uði á þessu ári. Að henni koma að mestu fólk að vest­an.

Ein­hverjir leik­arar koma að sunnan til að taka þátt í verk­efn­in­u. Að­al­leik­arar mynd­ar­innar eru þau Magnús Eðvald og Jón­ína Mar­grét Berg­mann. 

Ísfirðingurinn Fjölnir Bald­urs­son hefur komið að gerð heim­ild­ar­mynda, stutt­mynda ásam­t þátta­gerð og unnið tón­list­ar­mynd­band með Ísfirsku ­Megasar-á­breiðu­sveit­inn­i ­Megakukl. ­Fjölnir hefur verið með annan fót­inn á Spáni, og er að stefna heim til Íslands í sótt­kví. En ­Fjölnir stundar sjó­mennsku þess á milli til að safna fyrir mynd­inni.

Segðu frá hug­mynd­inni að baki verk­efn­inu?

„Upp­haf­lega hug­myndin var að gera svona „roa­d movi­e“, og upp­runa­lega sagan er stærri, þannig að þessi stutt­mynd er í raun­inni byrj­unin á þeirri sögu, en varð svo smátt og smátt ­stærri, sterk­ari og sjálf­stæð­ari saga. Þema mynd­ar­innar er þessi mann­legi breysk­leiki. Hvern­ig ­menn höndla sorg og freist­ing­ar. En svartur húmor­inn skín alltaf í gegnum þessa sorg sem birt­ist í sög­unni. En þessi svarti húmor hefur svo­lítið verið mitt vöru­merki.

Það sem er svo­lítið sér­stakt við gerð mynd­ar­inn­ar, er að sá sem hefur áhuga á að hafa áhrif á kvik­mynda­gerð­ina, getur haft áhrif á það hvernig myndin end­ar. Við viljum leyfa þeim sem ­styrkir mynd­ina fyrir vissa upp­hæð, velja úr 3 endum á mynd­inni. Það verða teknir upp 3 út­gáfur og styrkt­ar­að­il­inn velur þá sem honum líst best á.

Einnig bjóðum við fólki sem styrkir okkur að þiggja mynd teikn­aða af bæj­ar­lista­mann­i Ísa­fjarð­ar­bæj­ar, Ómari Smára Krist­ins­syni. En sú mynd fór nú á fyrsta degi. Mögu­lega bjóð­u­m við fleiri myndir eftir Ómar Smára. En hann hefur setið sveittur með mér að teikna upp „story ­bo­ard“ mynd­ar­inn­ar.“

Hér er hægt að skoða og taka þátt í verk­efn­inu.