62 pró­sent þeirra sem taka afstöðu eru and­víg því að bjór og létt­vín veðri selt í mat­vöru­versl­un­um. 38 pró­sent eru fylgj­andi því að áfengi verði selt í slíkum búð­um. Þegar öll svör eru skoðuð kemur í ljós að 35 pró­sent þeirra sem voru spurðir eru fylgj­andi sölu á bjór og létt­vini í mat­vöru­versl­unum en 56 pró­sent segj­ast vera á móti því. 9 pró­sent segj­ast óákveðin í mál­in­u. 

Þetta kemur fram í nýrri könnun sem Frétta­blað­ið, Vísir og Stöð 2 hafa gert. Nið­ur­stöð­urnar voru birtar í Frétta­blað­inu í morgun. And­staðan við sölu á áfengi í mat­vöru­versl­unum er meiri á meðal Íslend­inga eldri en fimm­tugt og á meðal kvenna. Frétta­blaðið lagði sömu spurn­ingar fyrir lands­menn í könnun sem fram­kvæmd var í mars 2015. Þá voru 45 pró­sent þeirra sem tóku afstöðu fylgj­andi sölu í mat­vöru­versl­unum en 55 pró­sent á móti því. And­staðan hefur því auk­ist umtals­vert. 

Í dag er ÁTVR, stofnun í eigu rík­is­ins með ein­okun á sölu áfeng­is. Hún fer fram í heild­sölu og í gegnum 50 versl­anir ÁTVR sem reknar eru út um allt land. ÁTVR hefur stór­aukið þjón­ustu sína á und­an­förnum ára­tug­um. Seint á níunda ára­tugnum voru versl­anir ÁTVR 13 tals­ins og opn­un­ar­tími tak­mark­að­ur. Nú eru margar versl­anir ÁTVR opnar til allt að klukkan 20 á ákveðnum dögum og til klukkan 18 á laug­ar­dög­um. Auk þess hefur vör­fram­boð auk­ist mikið og ÁTVR selur nú hátt í þrjú þús­und vöru­teg­und­ir.

Alþingi ræðir um þessar mundir frum­varp Vil­hjálms Árna­son­ar, þing­manns Sjálf­stæð­is­flokks­ins, um afnám einka­sölu rík­is­ins á áfengi. Vil­hjálmur segir við Frétta­blaðið að nið­ur­staðan komi sér ekki á óvart í ljós þess hvernig spurn­ingin hafi verið orð­uð. Frum­varpið sé ekki miðað að því að áfengi verði ein­ungis selt í mat­vöru­versl­un­um, líkt og spurn­ing Frétta­blaðs­ins/­Vís­is/­Stöðvar 2 gefi til kynna. 

Sam­kvæmt upp­lýs­ingum sem settar eru fram í Frétta­blað­inu fór könn­unin þannig fram að hringt var í 1.158 manns þar til náð­ist í 801 sam­kvæmt lag­skiptu úrtaki dag­ana 26. og 27. jan­ú­ar. Svar­hlut­fallið var 69,2 pró­sent. Þátt­tak­endur voru valdir með slembi­úr­taki úr þjóð­skrá. Svar­endur skipt­ust jafnt eftir kyni og hlut­falls­lega eftir búsetu og aldri. Spurt var: Finnst þér að það eigi að heim­ila sölu á bjór og létt­víni í mat­vöru­versl­un­um? Alls tóku 90 pró­sent þeirra sem náð­ist í afstöðu til spurn­ing­ar­inn­ar.