Félags­fundur Veiði­fé­lags Mývatns, sem hald­inn var í gær, skorar á „þartil­bær yfir­völd að beita sér fyrir auknum fjár­fram­lögum til rann­sókna og aðgerða vegna síend­ur­tek­inna áfalla í líf­ríki Mývatns og Lax­ár.“ Þetta segir í ályktun sem félags­fundur sam­þykkti, en Helgi Héð­ins­son á Geit­ar­eyj­ar­strönd sendi álykt­un­ina til fjöl­miðla í dag.

Í henni segir enn frem­ur, að frek­ari rann­sóknir á svæð­inu þoli enga bið. „Vatnið sýnir skýr ein­kenni ofauðg­un­ar. Það ástand er lítt þekkt í vötnum hér á landi en hins vegar mikið og alvar­legt vanda­mál víða erlend­is. Á síð­ustu árum hefur þör­unga­blómi (leir­los) í Mývatni auk­ist mjög mikið og líf­tími hans fram á haust­ið ­lengst. Afleið­ingin er mikil eyð­ing á botngróðri. Form­lega er við­ur­kennt að kúlu­skít­ur­inn sé út­dauður úr vatn­inu og annar gróður á hröðu und­an­haldi. Arður af sil­ungs­veiðum hef­ur eng­inn verið í mörg ár og flestum anda­teg­undum fækk­ar. Af við­brögðum inn­lendra vís­inda­manna er ljóst að rann­sóknir á þessum aukna þör­unga­blóma, or­sökum hans, afleið­ingum og hvað er til úrbóta, eru allt of skammt á veg komn­ar,“ segir í álykt­un­inn­i. 

Þá er á það minnt að Mývatn og Laxá séu vernduð með sér­lög­um. „Mý­vatn og Laxá eru vernduð með sér­lögum og voru ásamt Þjórs­ár­verum fyrstu svæðin sem Ís­lend­ingar til­nefndu á alþjóð­legan vernd­ar­lista Rams­ar. Svæðið er þekkt um allan heim sem ­nátt­úru­ger­semi sem standa beri séstakan vörð um. Það væri okkur Íslend­ingum mik­ill á­lits­hnekkir að bregð­ast ekki fljótt og vel við í þessu við­kvæma máli. ­Nauð­syn­legar rann­sóknir og aðgerðir eru dýr­ari en svo að 400 manna sam­fé­lag standi und­ir­ ­kostn­að­in­um. Því heitir Veiði­fé­lag Mývatns á Alþingi og rík­is­stjórn að axla sinn hluta á­byrgð­ar­innar og sýna að lögin um vernd Mývatns og Laxár séu meira en orðin tóm. Heima­menn þurfa aðstoð, bæði í formi fjár og fag­þekk­ingar til að mögu­leiki sé á að snú­a þess­ari óheilla­þróun við,“ segir í ályktun veiði­fé­lags­ins.