„Af hverju ertu hér­?,“ sagði Jean-Claude Juncker, for­seti fram­kvæmda­stjórnar Evr­ópu­sam­bands­ins, í Evr­ópu­þing­inu í Brus­sel í dag, og beindi orðum sínum að Nigel Fara­ge, leið­toga breska Sjálf­stæð­is­flokks­ins UKIP. Hann var einn þeirra sem leiddi Lea­ve-hreyf­ing­una svoköll­uðu, sem barð­ist fyrir útgöngu Bret­lands úr Evr­ópu­sam­band­inu (ES­B). Eins og kunn­ugt er, kaus meiri­hluti Breta, 52 pró­sent, með því yfir­gefa sam­band­ið. Um 48 pró­sent voru því mót­fall­in.

Ekki liggur fyrir enn, hvernig verður að því stað­ið, að fram­kvæma útgöngu Bret­lands úr sam­band­inu, en leið­togar stærstu ESB-­ríkj­anna segja ekki koma til greina að hefja óform­legar við­ræður um útgöngu, heldur geti þær ein­göngu haf­ist þegar Bretar hafa form­lega til­kynnt um útgöngu úr ESB. Ang­ela Merkel, kansl­ari Þýska­lands, hefur ítrekað þetta opin­ber­lega, nú síð­ast í morg­un.

Sam­kvæmt frá­sögn breska rík­is­út­varps­ins BBC, var baulað á Nigel Farage og félaga, sem höfðu barist fyrir útgöngu Breta, og þeir sagðir hafa beitt blekk­ing­um, lygum og „nas­ista­á­róðri“ í aðdrag­anda Brex­it-­at­kvæða­greiðsl­unn­ar. Þeir gáfu lítið fyrir þetta. Farage sagði við frétta­menn að hann vildi að útgangan myndi ganga eins vel fyrir sig, og mögu­legt væri. Ekk­ert var meira gefið upp um hvernig útgangan gæti átt sér stað, en sam­kvæmt sátt­mála ESB-­ríkja fá ríki tveggja ára aðlög­un­ar­tíma til að yfir­gefa sam­band­ið, komi til þess að ríki geri það með til­kynn­ingu um úrsögn.

Bret­land hefur verið í ESB í 43 ár og aldrei hefur reynt á, að eitt af stærstu ríkjum sam­bands­ins yfir­gefi það. 

David Camer­on, frá­far­andi for­sæts­ráð­herra Bret­lands, hefur sagt að bresk stjórn­völd vilji und­ir­búa næstu skref eins vel og hugs­ast get­ur, til að vernda efna­hags­legan stöð­ug­leika og tryggja að Bret­land hafi traust land undir fótum þegar kemur að við­skipta­legum samn­ingum við önnur rík­i. 

Ekk­ert hefur þó verið end­an­lega ákveðið enn, í þessum efn­um.