Svo getur farið að Bjarni Bene­dikts­son for­maður Sjálf­stæð­is­flokks­ins skili inn stjórn­ar­mynd­un­ar­um­boð­inu, ef sam­töl hans við for­menn ann­arra flokka skila ekki árangri fyrir helgi. Þetta sagði Bjarni í sam­tali við RÚV í dag. 

„Það er tölu­vert mikil gjá víða á milli manna en nú ætla ég að halda þessum sam­tölum áfram og sjá hvort það er grund­völlur til þess að hefja eig­in­legar stjórn­ar­mynd­un­ar­við­ræður við aðra flokka. Og ég ætla bara að halda því til haga að ég er ekk­ert að hugsa ákveðið eitt umfram annað í því, en ella verð ég að segja þetta gott í bili og skila umboð­inu, það getur verið veru­leiki sem við bara horf­umst í augu við,“ sagði Bjarni eftir fund með þing­flokki sínum í Val­höll í dag. 

Hann sagði einnig að kosn­inga­úr­slitin hafi boðið upp á frekar þrönga stöðu. Ekki sé ljóst hvaða flokkum hann muni bjóða til form­legra við­ræðna. Ekki hafi verið and­staða í flokknum við sam­starf við Bjarta fram­tíð og Við­reisn. „En við vissu­lega ræddum áskor­anir sem gætu verið í því að við gerðum það.“ Hann sagð­ist hafa átt gott sam­starf við Fram­sókn­ar­flokk­inn og vilji halda því áfram, þegar hann var spurður að því hvort hann vildi taka Fram­sókn að borð­in­u. 

Hann sagð­ist hafa rætt við Vinstri græn nokkrum sinn­um, „og ég tel að það sé orðið útséð með að hefja ein­hverjar við­ræður á milli flokk­anna.“