Aldrei hafa fleiri erlend­ir ­rík­is­borg­arar verið á vinnu­mark­að­i hér á landi en nú. Erlendir rík­is­borg­ar­ar ­skipa nú 10,3 pró­sent af vinnu­mark­aðn­um, að því er fram kemur í Frétta­blað­inu í dag, og er vöxt­ur­inn í efna­hags­líf­inu drif­inn áfram af starfs­fólki erlendis frá.

Tvö þús­und fleiri er­lendir starfs­menn eru á land­inu en voru þegar síð­asta hápunkti var náð árið 2008. ­Sam­kvæmt tölum sem Vinnu­mála­stofn­un tók saman voru 20.273 er­lendir starfs­menn hér á landi í lok árs 2016. 

Í síð­ustu efna­hags­upp­sveiflu ­náði fjöldi erlendra starfs­manna há­marki árið 2008 þeg­ar þeir voru 18.357 tals­ins. „Við erum með sveiflu­kennt hag­kerf­i ­sem er fyrst og fremst ástæð­an ­fyrir því að við fáum svona mik­inn inn­flutn­ing á erlendu vinnu­afli með­ ­reglu­legu milli­bili. Það væri heppi­legra ­fyrir okkur ef þetta væri jafn­ari ­upp­bygg­ing í bygg­ing­ar­iðn­að­i,“ seg­ir ­Karl Sig­urðs­son, sér­fræð­ingur hjá Vinnu­mála­stofn­un, í við­tali við Frétta­blað­ið. 



Gissur Pét­urs­son, for­stjóri Vinnu­mála­stofn­un­ar, segir að atvinnu­á­standið verði vart mikið betra en það er nún­a. „Eft­ir­spurnin er fyrst og fremst í þessum greinum sem hafa verið í miklum vexti, ferða­þjón­ustu og bygg­ing­ar­iðn­aði og svo fram­veg­is, en staðan er nú sú að það vantar að skapa störf fyrir sér­fræð­inga og háskóla­menntað fólk, sem er auð­vitað að fjölga á vinnu­mark­aðnum líka, svo að það má segja að þar séu sókn­ar­færi,“ segir Giss­ur.