Björt Ólafs­dótt­ir, umhverf­is- og auð­linda­ráð­herra, segir að hún hafi sýnt dóm­greind­ar­leysi „með því að flögra um þingsal­inn stolt af þeirri hönnun sem ég stóð í og stolt yfir að vera kona í því hlut­verki sem ég er og að leyfa mér að upp­hefja kven­leik­ann inni í þing­sal sem svo ljós­mynd­ari festi á filmu. Þau skila­boð eru fólki ekki greini­lega ekki efst í huga, og þessi upp­setn­ing því van­hugsuð því hún tengir við einka­fyr­ir­tæki. Ég biðst inni­legrar afsök­unar á því að hafa mis­boðið fólki með því. Síst af öllu vildi ég það. En ég held áfram að læra.“ Þetta kemur fram í stöðu­upp­færslu frá henni á Face­book.

Í morgun var greint frá því að Björt hefði verið mynduð í aug­lýs­inga­­skyni í sal Alþingis fyrir breska tísku­vöru­­merkið Gal­van London. Í umfjöllun Frétta­blaðs­ins um málið sagði að Sóla Kára­dótt­ir, list­rænn stjórn­­andi Gal­van London, og Björt séu vin­­konur til margra ára. Und­an­farið hafi birst margar myndir teknar víðs vegar á Íslandi á Instagram-­­síðu tísku­vöru­­merk­is­ins af íslenskum vin­­konum Sólu í fatn­aði frá Gal­van London. Björt er þeirra á með­­al. Í frétt blaðs­ins sagði Helgi Bern­ód­us­son, skrif­stofu­stjóri Alþing­is, eft­ir­far­andi um mál­ið: „„Þetta kemur mér mjög á óvart, strangt til tekið er þetta ekki brot á regl­unum en þetta er auð­vitað dálítið óvenju­­leg­t.“

Björt brást við á Face­book fyrr í dag og sagði í stöðu­upp­færslu: „Obbosí. Næst verð ég með bindi til þess að hvetja karl­kyns sam­þing­menn mína til að bera það í þingsaln­um. Nú ansi hrædd um að ein­hverjum muni líka það. Nei, við frek­ari umhugs­un. Það gæti auð­vitað end­an­lega farið með feðra­veldið eins og það leggur sig.“ Hún bætti síðar við færsl­una og sagði að hún skildi vissu­lega að fólki þyki Alþingi vera helgur staður og að það vilji standa vörð um virð­ingu þess. „Ég hef reyndar oft verið í íslenskri hönnun þar áður og um það hefur verið fjall­að, ( til dæmis á sam­fé­lags­miðl­u­m). Það var alls ekki mín ætlan að brjóta gegn því. Mér þykir miður ef þessi ljós­mynd skapi slík hug­hrif.“

Björt setti síðan aðra stöðu­upp­færslu um málið inn klukkan rúm­lega 13. Þar seg­ir: „Stóra kjóla­málið er orðið dálítið mikið um sig. Ég við­ur­kenni það fús­lega að mín fyrstu við­brögð við því voru einmitt það- mjög við­bragðs og til­finn­inga­tengd. Það getur pirrað ráð­herra eins og hvern annan að und­ir­tónn um klæða­burð sé alltum­lykj­andi.

En hann skiptir hér ekki höf­uð­máli.

Ég sýndi dóm­greind­ar­leysi með því að flögra um þingsal­inn stolt af þeirri hönnun sem ég stóð í og stolt yfir að vera kona í því hlut­verki sem ég er og að leyfa mér að upp­hefja kven­leik­ann inni í þing­sal sem svo ljós­mynd­ari festi á filmu. Þau skila­boð eru fólki greini­lega ekki efst í huga, og þessi upp­setn­ing því van­hugsuð því hún tengir við einka­fyr­ir­tæki.

Ég biðst inni­legrar afsök­unar á því að hafa mis­boðið fólki með því. Síst af öllu vildi ég það. En ég held áfram að læra.“