Yfir­maður í Banda­ríkja­her, aðdmírál­l­inn Mich­ael Dumont, segir í bréfi til þing­manns Demókrata, Ted Lieu, að eina leiðin til að afvopna her Norð­ur­-Kóreu, og koma í veg fyrir mögu­leik­ann á því að kjarn­orku­vopnum sé beitt gegn Banda­ríkj­unum og banda­lags­þjóð­um, sé inn­rás og land­hern­að­ur. 

Í umfjöllun breska rík­is­út­varps­ins BBC segir Dumont telji erfitt að meta hver yrðu áhrifin á fyrstu stigum inn­rás­ar, en að hættan á kjarn­orku­árás Norð­ur­-Kóreu séu umtals­verð, og þá sé einnig erfitt að meta hvernig hvernig myndi takast að gera neð­an­jarð­ar­virki Norð­ur­-Kóreu óvirkt, en það er umfangs­mikið og mik­il­vægur hluti af vörnum hers­ins.

Í bréf­inu fer Dumont ekki leynt með það, að hann styðji efna­hags­legar og póli­tískar þving­anir gagn­vart Norð­ur­-Kóreu, áður en gripið er til hern­að­ar­að­gerða. Greini­legt er að mikil óvissa er um hvernig stríð gæti þró­ast komi til þess að barist verði í land­hern­aði á Kóreu­skaga. Hinn óút­reikn­an­legi leið­togi Norð­ur­-Kóreu, Kim Jong Un, er einnig tal­inn lík­legur til að bregð­ast hratt við árás á landið og þá með fífldirfsku og jafn­vel kjarn­orku­árás.

Í yfir­lýs­ingu frá Lieu segir að hann að þessar upp­lýs­ingar frá yfir­manni í hernum séu veru­lega var­huga­verðar og að þær sýni að gríð­ar­legt mann­tjón geti orðið á örfáum dög­um, og þar geti mörg hund­ruð þús­und eða jafn­vel millj­ónir manna farist. 

Þá segir hann það líka liggja fyr­ir, að hern­að­ar­í­hlutun á Kóreu­skaga sé ekki góð lausn, og gagn­rýnir hann Don­ald Trump Banda­ríkja­for­seta fyrir að grafa undan frið­sælum lausnum á spenn­unni á Kóreu­skaga, og auka hætt­una á því að stríð brjót­ist út með skelfi­legum afleið­ing­um.

Íbúar í Norð­ur­-Kóreu eru 25 millj­ónir en í Suð­ur­-Kóreu 51 millj­ón. Á Kóreu­skaga eru því um 76 millj­ónir íbúa. Höf­uð­borg Suð­ur­-Kóreu, Seúl, er aðeins í 35 kíló­metra fjar­lægð frá landa­mæru Norð­ur­-Kóreu, en þar er þéttasta og fjöl­menn­asta borg­ar­sam­fé­lagið á Kóreu­skaga, með 10 millj­ónir íbúa.